ଭୁବନେଶ୍ୱର: ଭାରତର ଅପରାଧିକ ନ୍ୟାୟ ବ୍ୟବସ୍ଥାରେ ଆସନ୍ତା ପରିବର୍ତ୍ତନକୁ ଧ୍ୟାନରେ ରଖି, ଆଜି ଭୁବନେଶ୍ୱର ସ୍ଥିତ ପୋଲିସ ଭବନ ରେ ବିଜୁ ପଟ୍ଟନାୟକ ରାଜ୍ୟ ପୋଲିସ ଏକାଡେମୀ ପକ୍ଷରୁ ଏକ ବୈଜ୍ଞାନିକ କର୍ମଶାଳା ଆୟୋଜିତ ହେଲା। ବରିଷ୍ଠ ପୋଲିସ ଅଧିକାରୀଙ୍କ ପାଇଁ ଆୟୋଜିତ ଏହି କାର୍ଯ୍ୟକ୍ରମର ଉଦଘାଟନ ରାଜ୍ୟ ଡିଜିପି ଯୋଗେଶ ବାହାଦୁର ଖୁରାନିଆ କରିଥିଲେ।
କର୍ମଶାଳାରେ ତିନିଟି ନୂତନ ଆଇନ — ଭାରତୀୟ ନ୍ୟାୟ ସଂହିତା (BNS), ଭାରତୀୟ ନାଗରିକ ସୁରକ୍ଷା ସଂହିତା (BNSS) ଓ ଭାରତୀୟ ସାକ୍ଷ୍ୟ ଅଧିନିୟମ (BSA) ଉପରେ ଆଲୋକପାତ କରାଯାଇଥିଲା। ବୈଶିଷ୍ଟ୍ୟମୟ ଅତିଥି ବାପେ ଧରମ ଚାନ୍ଦ ଜୈନ (ପୂର୍ବତନ ସ୍ଵତନ୍ତ୍ର ନିର୍ଦ୍ଦେଶକ, CBI) ଓ ପଦ୍ମିନୀ ସିଂହ (CBI ଆଇନ ବିଭାଗର ଅଧିକାରୀ) ନୂତନ ଆଇନଗୁଡ଼ିକ ଉପରେ ବିସ୍ତୃତ ଆଲୋଚନା କରିଥିଲେ।
ଡିଜିପି ତାଙ୍କ ଭାଷଣରେ କହିଥିଲେ ଯେ, ଏହି ନୂତନ ଆଇନଗୁଡ଼ିକ ଦଣ୍ଡ କେନ୍ଦ୍ରିକ ନୁହେଁ, ବରଂ ନ୍ୟାୟ କେନ୍ଦ୍ରିକ ହେବା ଦିଗରେ ଚାଲିଛି। ସେ କହିଛନ୍ତି ଯେ ଏହି ଆଇନମାନେ ନ୍ୟାୟ ବ୍ୟବସ୍ଥାରେ ଏକ ଐତିହାସିକ ପରିବର୍ତ୍ତନ ଆଣିବେ ଓ ପୀଡିତଙ୍କୁ ନ୍ୟାୟ ମିଳିବାକୁ ନିଶ୍ଚିତ କରିବେ। ଏହି ନୂତନ ବ୍ୟବସ୍ଥା ଆଧୁନିକ ତଥ୍ୟପ୍ରଯୁକ୍ତି ଭିତ୍ତିକ ହୋଇଥିବା ସୂଚନା ମିଳିଛି, ଯେଉଁଥିରେ ଇ-ଏଫଆଇଆର (e-FIR), ୱିଡିଓ ରେକର୍ଡିଂ, ଡିଜିଟାଲ୍ ଫୋରେନ୍ସିକ୍ ଯୋଗୁ ତଦନ୍ତ ଅଧିକ କ୍ଷମତାଶୀଳ ହେବ।
ସେ କହିଛନ୍ତି ଯେ, ଏହି ନୂତନ ଆଇନଗୁଡ଼ିକ ଆତଙ୍କବାଦ, ସଂଗଠିତ ଅପରାଧ ଓ ଅନ୍ୟ ଗୁରୁତ୍ୱପୂର୍ଣ୍ଣ ଅପରାଧ ଉପରେ ଦୃଢ ନିୟନ୍ତ୍ରଣ କରିବାକୁ ସକ୍ଷମ ହେବ। ଡିଜିପି ସମସ୍ତ ପୋଲିସ କର୍ମଚାରୀଙ୍କୁ ଏହି ଆଇନମାନଙ୍କ ପ୍ରତ୍ୟେକ ଶବ୍ଦର ଅର୍ଥ ବୁଝି, ତାଙ୍କର ଆତ୍ମା ଅନୁସାରେ କାର୍ଯ୍ୟ କରିବା ପାଇଁ ଉପଦେଶ ଦେଇଛନ୍ତି।
ଏହି କର୍ମଶାଳାରେ ଭୁବନେଶ୍ୱର ଓ କଟକ ଅଞ୍ଚଳରେ ନିୟୁଜିତ ବରିଷ୍ଠ ପୋଲିସ ଅଧିକାରୀ ସ୍ଥାନୀୟ ଭାବେ ଯୋଗ ଦେଇଥିବା ବେଳେ, ଅନ୍ୟ ଜିଲ୍ଲା ଓ ବାଟାଲିୟନର ଅଧିକାରୀମାନେ ଆଭାସି ମାଧ୍ୟମରେ କାର୍ଯ୍ୟକ୍ରମରେ ସାମିଲ ହୋଇଥିଲେ। ଏହି କାର୍ଯ୍ୟକ୍ରମର ସ୍ଵାଗତ ଭାଷଣ ଏକାଡେମୀ ନିର୍ଦ୍ଦେଶକ ସଂଜୀବ ପଣ୍ଡା କରିଥିଲେ ଓ ଆଇଜି ତାଲିମ ଅନୁପ ସାହୁ ଏହାର ସଂଚାଳନା କରିଥିଲେ।
ଉଦ୍ଦେଶ୍ୟ: ଏହି କର୍ମଶାଳା ମାଧ୍ୟମରେ ଆଗାମୀ ଦିନରେ ନୂତନ ଅପରାଧିକ ଆଇନର ସଠିକ୍ ରୂପରେ ଅନୁଷ୍ଠାନ କରି, ନ୍ୟାୟ ବ୍ୟବସ୍ଥାକୁ ଅଧିକ ଗତିଶୀଳ, ପ୍ରଯୁକ୍ତିନିର୍ଭର୍ ଓ ପୀଡିତ କେନ୍ଦ୍ରିକ ବନେଇବାକୁ ଉଦ୍ୟମ ଆରମ୍ଭ ହେଇଛି।