ରିଷିଡ଼ା, ୧୯.୧୧: କଳାହାଣ୍ଡି ଜିଲ୍ଲାର ରିଷିଡ଼ା ଫାଣ୍ଡି ଅଞ୍ଚଳରେ ବାଇକ୍ ଚୋରି ଘଟଣା ବଢ଼ିବା ପରେ ପୋଲିସ ଏକ ବଡ଼ ଅଭିଯାନ ଚାଲି ଗୁରୁତ୍ୱପୂର୍ଣ୍ଣ ସଫଳତା ହାସଲ କରିଛି। ପୋଲିସ ଏକ ସଂଗଠିତ ବାଇକ୍ ଚୋରି ରାକେଟର ମୁଖ୍ୟ ସଂଯୋଜକ ସହିତ ୬ ଅଭିଯୁକ୍ତଙ୍କୁ ଗିରଫ କରିଛି ଏବଂ ୯ ଟି ଚୋରି ବାଇକ୍ ଜବତ କରିଛି।
ଗ୍ରାମବାସୀଙ୍କ ସଚେତନତାରେ ଧରାପଡ଼ିଲା ମୁଖ୍ୟ ଅଭିଯୁକ୍ତ
ଗତ ସୋମବାର ଝାରମୁଣ୍ଡା ଗ୍ରାମର ପଦ୍ମମୁଖ ସାହୁଙ୍କ ବାଇକ୍ (OR 08 G 9372) ଚୋରି କରୁଥିବା ବେଳେ ଗ୍ରାମବାସୀ ମୁଖ୍ୟ ଅଭିଯୁକ୍ତଙ୍କୁ ଧରି ରିଷିଡ଼ା ଫାଣ୍ଡିକୁ ଜିମା ଦେଇଥିଲେ।
ଫାଣ୍ଡି ଅଧିକାରୀ ମନୁଆ ବିଡିକା ବଲାଙ୍ଗୀର ଜିଲ୍ଲାର ତୁଷରା ଥାନା ତେନ୍ତୁଳିଖୁଣ୍ଟି ଗ୍ରାମର ଅଭିଯୁକ୍ତ
ରୋହିତ ମହାନନ୍ଦ (ଓରଫ ମୁକେଶ/ଲାଲୁ)–କୁ ଗିରଫ କରିଥିଲେ।
ପୋଲିସର ବିଶେଷ ଟିମ୍ର ଅଭିଯାନ
କଳାହାଣ୍ଡି SP ଏନ୍. ଦେବରକୋଣ୍ଡାଙ୍କ ନିର୍ଦ୍ଦେଶ ଅନୁସାରେ ଏବଂ କେସିଙ୍ଗା SDPO ସନ୍ଦୀପ କୁମାର ମାଝୀଙ୍କ ତତ୍ତ୍ୱାବଧାନରେ ଏକ ବିଶେଷ ଟିମ୍ ଗଠନ କରାଯାଇଥିଲା।
ରୋହିତଙ୍କ ସୂଚନାରେ ପୋଲିସ ବଲାଙ୍ଗୀର ଓ ବୌଦ୍ଧ ଜିଲ୍ଲାର ଅନେକ ସ୍ଥାନରେ ଚଢ଼ାଉ ଚାଲି ଏହି ୫ ସହଯୋଗୀଙ୍କୁ ଗିରଫ କଲା—
- ଗୋକୁଳ ସାହୁ
- ବାବୁଲା ରଣା
- ବାଳଗୋପାଲ ରଣା
- ଟିକେଚନ୍ଦ ରଣା
- ଦୟାସାଗର ବିଶି
୯ଟି ବାଇକ୍ ଉଦ୍ଧାର
ଅଭିଯୁକ୍ତମାନଙ୍କ ବିବୃତ୍ତି ଆଧାରରେ ପୋଲିସ ମୋଟ ୯ଟି ଚୋରି ବାଇକ୍ ଉଦ୍ଧାର କରିଛି, ଯାହାକୁ ପୋଲିସ ଥାନାରେ ଜବତ ରଖାଯାଇଛି।
ଆଇନଗତ ପଦକ୍ଷେପ
ଏନେଇ ମ. ରାମପୁର ଥାନାରେ କେସ୍ ନଂ–୨୯୫ ରେ ମକଦ୍ଦମା ରୁଜୁ କରାଯାଇଛି।
ସମସ୍ତ ଗିରଫ ଅଭିଯୁକ୍ତଙ୍କୁ ଆଜି (୧୯ ନଭେମ୍ବର) କୋର୍ଟ ଚାଲାଣ କରାଯାଇଛି।