ମୁମ୍ବାଇ: ବଲିଉଡର ଦବଙ୍ଗ ନାୟକ ସଲମାନ ଖାନ୍ଙ୍କୁ ନେଇ ପ୍ରାୟତଃ ବିବାଦ ଚାଲିଥାଏ। ଏଥର ସେ ନିଜେ ଉପରେ ଲାଗିଥିବା “ଅନ୍ୟମାନଙ୍କ କ୍ୟାରିୟର୍ ବିଗାଡ଼ିଦେଇଥାନ୍ତି” ବୋଲି ଥିବା ଅଭିଯୋଗକୁ ସାର୍ବଜନୀନ ଭାବରେ ଉତ୍ତର ଦେଇଛନ୍ତି।
ବିଗ୍ ବସ୍ ମଞ୍ଚରେ ଶେହନାଜ୍ ଗିଲ୍ ସଲମାନଙ୍କୁ କହିଥିଲେ, “ସାର୍, ଆପଣ ବହୁତ ଲୋକଙ୍କ କ୍ୟାରିୟର୍ ବନାଇଛନ୍ତି।” ଏହାରେ ସଲମାନ କହିଥିଲେ— “ମୁଁ କାହାର କ୍ୟାରିୟର୍ ବନାଇନି, କ୍ୟାରିୟର୍ ବନାଇବାର ଶକ୍ତି ତ ଉପରେ (ଭଗବାନ)ଙ୍କ ପାଖରେ।”
ସେଥିପରେ ସଲମାନ ସ୍ପଷ୍ଟ କରିଦେଲେ, “ମୋ ଉପରେ ଏହିଭଳି ଅଭିଯୋଗ ବି ଲାଗିଛି ଯେ ମୁଁ ଅନେକଙ୍କ କ୍ୟାରିୟର୍ ବୁଡ଼ାଇଦେଇଛି। କିନ୍ତୁ ଏହା କ’ଣ ସତରେ ମୋ ହାତରେ? ଆଜିକାଲି ଲୋକମାନେ କହୁଛନ୍ତି ସଲମାନ କ୍ୟାରିୟର୍ ଖାଇଯାଏ। ମୁଁ କାହାର କ୍ୟାରିୟର୍ ଖାଇଗଲି? ଯଦି ଖାଇବାର କଥା ଆସିଥାଏ, ମୁଁ ନିଜର କ୍ୟାରିୟର୍ ବୁଡ଼ାଇଦେବି।”
ନିର୍ଦ୍ଦେଶକଙ୍କ ବିବାଦୀୟ ଅଭିଯୋଗ
ଫିଲ୍ମ ଦବଙ୍ଗ ନିର୍ଦ୍ଦେଶକ ଅଭିନବ କଶ୍ୟପ୍ ପୂର୍ବରୁ ସଲମାନଙ୍କୁ ନେଇ କେତେକ ଗୁରୁତର ଅଭିଯୋଗ କରିଥିଲେ। ସେ କହିଥିଲେ, “ସଲମାନ କେବେ ବି କାହାଣୀକୁ ବୁଝିବାକୁ ଇଚ୍ଛା କରନ୍ତିନି, ତାଙ୍କର ଅଭିନୟ ପ୍ରତି କୌଣସି ଆଗ୍ରହ ନାହିଁ। ସେ ଜଣେ ଅଭଦ୍ର, ଖରାପ ବ୍ୟକ୍ତି ଓ ବହୁତଙ୍କ କ୍ୟାରିୟର୍ ନଷ୍ଟ କରିଛନ୍ତି।”
ସଲମାନଙ୍କ ସମ୍ପର୍କରେ ଏହିଭଳି ବିବାଦୀୟ ମତାମତ ବେଳେବେଳେ ଆସୁଥିଲେ ବି, ତାଙ୍କର ପ୍ରତିକ୍ରିୟା ଏଥର ନୂଆ ଆଲୋଚନାର କେନ୍ଦ୍ରବିନ୍ଦୁ ହୋଇଛି।