ନୂଆଦିଲ୍ଲୀ: ମଧ୍ୟପ୍ରାଚ୍ୟରେ ଚାଲିଥିବା ଯୁଦ୍ଧ ପରିସ୍ଥିତି ମଧ୍ୟରେ ପଶ୍ଚିମ ଏସିଆ ଅଞ୍ଚଳରୁ ୫୨,୦୦୦ରୁ ଅଧିକ ଭାରତୀୟ ନାଗରିକ ସୁରକ୍ଷିତ ଭାବେ ଦେଶକୁ ଫେରିଛନ୍ତି। ଏହା ସମ୍ବନ୍ଧରେ Ministry of External Affairs India ଶନିବାର ବିଳମ୍ବିତ ରାତିରେ ସୂଚନା ଦେଇଛି।
ସୂଚନା ଅନୁଯାୟୀ, ମାର୍ଚ୍ଚ ୧ ରୁ ୭ ତାରିଖ ମଧ୍ୟରେ ପ୍ରାୟ ୩୨,୧୦୭ ଜଣ ଭାରତୀୟ ବିଭିନ୍ନ ଭାରତୀୟ ବିମାନ ସେବା ମାଧ୍ୟମରେ ସୁରକ୍ଷିତ ଭାବେ ଭାରତକୁ ଫେରିଛନ୍ତି। ଏହା ବ୍ୟତୀତ ଆହୁରି ୨୦,୦୦୦ରୁ ଅଧିକ ନାଗରିକ ବିଦେଶୀ ବାଣିଜ୍ୟିକ ବିମାନ ଏବଂ ଅଣ-ଅନୁସୂଚିତ ବିମାନ ଯୋଗେ ଦେଶକୁ ପହଞ୍ଚିଛନ୍ତି।
ମନ୍ତ୍ରଣାଳୟ କହିଛି ଯେ ପଶ୍ଚିମ ଏସିଆର ପରିସ୍ଥିତି ଉପରେ ନିରନ୍ତର ନଜର ରଖାଯାଉଛି ଏବଂ ସେଠାରେ ଫସିଥିବା ଭାରତୀୟଙ୍କୁ ଉଦ୍ଧାର କରିବା ପାଇଁ ପ୍ରୟାସ ଜାରି ରହିଛି। ଆଗାମୀ ଦିନରେ ଆହୁରି ଅଧିକ ସ୍ୱତନ୍ତ୍ର ବିମାନ ଉଡ଼ାଣ ଚାଲୁ କରାଯିବା ପାଇଁ ଯୋଜନା ହୋଇଛି।
ଯେଉଁ ଦେଶଗୁଡ଼ିକରେ ବର୍ତ୍ତମାନ ବାଣିଜ୍ୟିକ ବିମାନ ଚଳାଚଳ ବନ୍ଦ ରହିଛି, ସେଠାରେ ରହୁଥିବା ଭାରତୀୟ ନାଗରିକମାନଙ୍କୁ ନିକଟସ୍ଥ ବିମାନବନ୍ଦରକୁ ପହଞ୍ଚିବାକୁ ପରାମର୍ଶ ଦିଆଯାଇଛି।
ସେଥିପାଇଁ ସେଠାରେ ରହୁଥିବା ସମସ୍ତ ଭାରତୀୟଙ୍କୁ ସ୍ଥାନୀୟ କର୍ତ୍ତୃପକ୍ଷଙ୍କ ନିର୍ଦ୍ଦେଶ ଓ ଭାରତୀୟ ଦୂତାବାସ ଜାରି କରିଥିବା ପରାମର୍ଶ ମାନିବାକୁ ଅନୁରୋଧ କରାଯାଇଛି। ସରକାର କହିଛି ଯେ ବିଦେଶରେ ଥିବା ଭାରତୀୟଙ୍କ ସୁରକ୍ଷା ଓ କଲ୍ୟାଣ ସରକାରଙ୍କ ପ୍ରଥମ ପ୍ରାଥମିକତା ଓ ଏଥିପାଇଁ ସମ୍ପୃକ୍ତ ଦେଶମାନଙ୍କ ସହ ସଂଯୋଗ ରଖାଯାଇଛି।