ଅହମ୍ମଦାବାଦରେ ଭୟାବହ ବିମାନ ଦୁର୍ଘଟଣା: ହଷ୍ଟେଲ ଉପରେ ଖସିଥିଲା ବିମାନ, ୨୦ ଛାତ୍ରଙ୍କ ମୃତ୍ୟୁ ଆଶଙ୍କା

ଅହମ୍ମଦାବାଦ, ୧୨ ଜୁନ: ଗୁଜୁରାଟର ଅହମ୍ମଦାବାଦରେ ଗୁରୁବାର ଦିନ ଏକ ଭୟାବହ ବିମାନ ଦୁର୍ଘଟଣା ଘଟିଛି। ଏୟାର ଇଣ୍ଡିଆର B-787 ଡ୍ରିମଲାଇନର ବିମାନ (ଫ୍ଲାଇଟ ନମ୍ବର AI-171), ଯାହା ଅହମ୍ମଦାବାଦରୁ ଲଣ୍ଡନର ଗାଟୱିକକୁ ଯାତ୍ରା କରୁଥିଲା, ଉଡ଼ାଣ ନେବାର କିଛି ମିନିଟ ପରେ ବିଜେ ମେଡିକାଲ କଲେଜର ହଷ୍ଟେଲ ଉପରେ ଖସି ପଡ଼ିଥିଲା।

ଘଟଣା ବେଳେ ହଷ୍ଟେଲର କ୍ୟାଣ୍ଟିନରେ ମଧ୍ୟାହ୍ନ ଭୋଜନ କରୁଥିବା ଛାତ୍ରଛାତ୍ରୀମାନଙ୍କ ଉପରେ ବିମାନ ଖସି ପଡ଼ିବାରୁ ୨୦ ଜଣ ଛାତ୍ରଙ୍କ ମୃତ୍ୟୁ ହେବାର ଆଶଙ୍କା କରାଯାଉଛି। ବିମାନର ପଛ ଅଂଶ ହଷ୍ଟେଲ ଉପରେ ଝୁଲୁଥିବା ବେଳେ ଆଗ ଅଂଶ ଜଳି ଧୂଆଁରେ ବିଲିନ ହୋଇଯାଇଥିଲା।

ଉଦ୍ଧାର ଓ ରେସ୍କ୍ୟୁ କାର୍ଯ୍ୟ:

ଘଟଣା ସ୍ଥଳକୁ NDRFର ୩ଟି ଟିମ୍‌, ଭଦୋଦରାରୁ ଆସୁଥିବା ଅନ୍ୟ ୨ଟି ଦଳ, ତଥା ଅଗ୍ନିଶମ ବାହିନୀର ଦଳ ଯୋଗ ଦେଇ ଉଦ୍ଧାର କାମ କରୁଛନ୍ତି। ଆହତମାନଙ୍କୁ ଅହମ୍ମଦାବାଦ ସିଭିଲ ହସ୍ପିଟାଲରେ ଭର୍ତ୍ତି କରାଯାଇଛି, ଯାହାପାଇଁ ଗ୍ରିନ କରିଡର ସୃଷ୍ଟି କରାଯାଇଛି।

ପ୍ରାରମ୍ଭିକ ତଥ୍ୟ:

ବିମାନଟି ଅପରାହ୍ନ ୧:୩୯ ରେ ଉଡ଼ାଣ ନେଇଥିଲା। ଉଡ଼ାଣରେ ୨ ପାଇଲଟ, ୧୦ କ୍ରୁ ସଦସ୍ୟ ଓ ୨୩୦ ଯାତ୍ରୀ ସହିତ ମୋଟ ୨୪୨ ଜଣ ଅଛି। ବିମାନବନ୍ଦର ଛାଡିବା କିଛି ସମୟ ପରେ ପାଇଲଟ ATC କୁ ‘MAYDAY’ କଲ ଦେଇଥିଲେ, କିନ୍ତୁ ସେତେବେଳେ ସଂଯୋଗ ଭଙ୍ଗ ହୋଇଯାଇଥିଲା। ବିମାନଟି ଗଛରେ ଟିକି ଭୟଙ୍କର ବିସ୍ଫୋରଣ ସହିତ ଜଳି ପଡ଼ିଥିଲା।

ସରକାରୀ ପ୍ରତିକ୍ରିୟା:

ଅହମ୍ମଦାବାଦର ମ୍ୟୁନିସିପାଲ କମିଶନର, ପୋଲିସ କମିଶନର ଓ ଅନ୍ୟ ଶୀର୍ଷ ଅଧିକାରୀମାନେ ଘଟଣାସ୍ଥଳରେ ଉପସ୍ଥିତ ଅଛନ୍ତି। ଏୟାର ଇଣ୍ଡିଆ ତରଫରୁ ମଧ୍ୟ ଘଟଣା ସ୍ଥଳରେ ଟିମ୍‌ ମୋତାୟେନ ହୋଇଛି ଓ ସଂପୂର୍ଣ୍ଣ ତଥ୍ୟ ସଂଗ୍ରହ କରାଯାଉଛି।

ଅବସ୍ଥା ସମ୍ପର୍କରେ ଅନିଶ୍ଚିତତା:

ବିମାନରେ ଥିବା ଯାତ୍ରୀମାନଙ୍କ ଅବସ୍ଥା ବିଷୟରେ ଏପର୍ଯ୍ୟନ୍ତ କୌଣସି ସ୍ପଷ୍ଟ ତଥ୍ୟ ମିଳିନାହିଁ। ଦୁର୍ଘଟଣା ଘଟିଥିବା ସ୍ଥଳରେ ଧୂଆଁ ଓ ଅଗ୍ନିର ଚାପ ବେସି ଥିବାରୁ ଉଦ୍ଧାର କାମରେ ବାଧା ସୃଷ୍ଟି ହେଉଛି।

ଏହି ଦୁର୍ଘଟଣା ସାରା ଦେଶରେ ଅତ୍ୟନ୍ତ ମନ୍ଥନ ଓ ଚିନ୍ତାର ବିଷୟ ହୋଇପଡ଼ିଛି। ଅଧିକ ସୂଚନା ଅପେକ୍ଷାରେ…