ବିହାର ବିଧାନସଭା ନିର୍ବାଚନ 2025: ୨,୧୩୫ ବୁଥରେ ଭୋଟ ସମୟ ଘଣ୍ଟାଏ କମିଲା, ନିର୍ବାଚନ କମିସନଙ୍କ ବଡ଼ ନିଷ୍ପତ୍ତି
ପାଟନା: ବିହାର ବିଧାନସଭା ନିର୍ବାଚନ 2025 ର ପ୍ରଥମ ପର୍ଯ୍ୟାୟରେ ମହତ୍ତ୍ୱପୂର୍ଣ୍ଣ ନିଷ୍ପତ୍ତି ନେଇଛି ନିର୍ବାଚନ କମିସନ (ECI)। ସୁରକ୍ଷା ଓ ସମ୍ବେଦନଶୀଳତାକୁ ଦୃଷ୍ଟିରେ ରଖି, ୧୮ ଜିଲ୍ଲାର ୧୨୧ଟି ବିଧାନସଭା ଆସନ ମଧ୍ୟରୁ ଛଅଟି ଆସନର ୨,୧୩୫ଟି ମତଦାନ କେନ୍ଦ୍ରରେ ଭୋଟ ସମୟ ଗୋଟିଏ ଘଣ୍ଟା ହ୍ରାସ କରାଯାଇଛି।
ଏହି ବୁଥଗୁଡ଼ିକରେ ସକାଳ ୭ଟାରୁ ସନ୍ଧ୍ୟା ୫ଟା ପର୍ଯ୍ୟନ୍ତ ମତଦାନ ହେବ, ଯେତେବେଳେ ଅନ୍ୟ ୧୧୫ଟି ଆସନର ୪୩,୨୦୬ଟି ବୁଥରେ ପୂର୍ବବତ ସନ୍ଧ୍ୟା ୬ଟା ପର୍ଯ୍ୟନ୍ତ ଭୋଟିଂ ହେବ।
ଯେଉଁ ଆସନଗୁଡ଼ିକରେ ଭୋଟ ସମୟ ହ୍ରାସ ହୋଇଛି:
୧. ସିମରି ବଖତିୟାରପୁର – ୪୧୦ ମତଦାନ କେନ୍ଦ୍ର
୨. ମହିସି – ୩୬୧ ମତଦାନ କେନ୍ଦ୍ର
୩. ତାରାପୁର – ୪୧୨ ମତଦାନ କେନ୍ଦ୍ର
୪. ମୁଙ୍ଗେର – ୪୦୪ ମତଦାନ କେନ୍ଦ୍ର
୫. ଜମାଲପୁର – ୪୯୨ ମତଦାନ କେନ୍ଦ୍ର
୬. ସୂର୍ଯ୍ୟଗଢ଼ – ୫୬ ମତଦାନ କେନ୍ଦ୍ର
ନିର୍ବାଚନ କମିସନ ଜଣାଇଛି ଯେ, ଏହି ନିଷ୍ପତ୍ତି ପୂର୍ବ ଅନୁଭବ, ଅଞ୍ଚଳଗତ ଚ୍ୟାଲେଞ୍ଜ, ନଦୀ ଓ ଗ୍ରାମ ଅଞ୍ଚଳର ଦୂରତା, ଏବଂ ସେଠାର ସୁରକ୍ଷା ସମ୍ବେଦନଶୀଳତାକୁ ଆଧାର କରି ନିଆଯାଇଛି।
ପ୍ରଥମ ପର୍ଯ୍ୟାୟର ଭୋଟିଂ ୬ ନଭେମ୍ବର (ଗୁରୁବାର) ଦିନ ହେବ। ଏହା ପାଇଁ ସମସ୍ତ ପ୍ରସ୍ତୁତି ଚାଲିଛି ଏବଂ ପ୍ରଶାସନ ସୁରକ୍ଷା ବ୍ୟବସ୍ଥାକୁ ନିୟେ କଡ଼ା ହାତ ନେଇଛି।