କରୋନା ପୁଣି ଲେଉଟୁଛି: କେରଳରେ ସର୍ବାଧିକ ୨୭୩, ଦିଲ୍ଲୀରେ ୨୩ ସଂକ୍ରମିତ ଚିହ୍ନଟ: ଦେଶବ୍ୟାପୀ ଆକ୍ରାନ୍ତ ସଂଖ୍ୟା ବଢ଼ୁଛି

ଭୁବନେଶ୍ୱର – ଦେଶରେ ପୁଣିଥରେ କରୋନା ସଂକ୍ରମଣର ଆଶଙ୍କା ବଢ଼ୁଛି। ସିଙ୍ଗାପୁର, ହଂକଂ ପରେ ବର୍ତ୍ତମାନ ଭାରତରେ ମଧ୍ୟ କରୋନା ଆକ୍ରାନ୍ତ ସଂଖ୍ୟା ଧୀରେ ଧୀରେ ବଢ଼ିବା ଲକ୍ଷଣ ପ୍ରକାଶ ହେଉଛି। ବିଶେଷଜ୍ଞମାନେ ଏହାକୁ ଚିନ୍ତାଜନକ ବୋଲି ଗଣନା କରୁଛନ୍ତି।

ସ୍ୱାସ୍ଥ୍ୟ ବିଭାଗ ଦ୍ୱାରା ମିଳିଥିବା ତଥ୍ୟ ଅନୁଯାୟୀ, ଏପର୍ଯ୍ୟନ୍ତ କେରଳରେ ସର୍ବାଧିକ ୨୭୩ କରୋନା ସଂକ୍ରମିତ ଚିହ୍ନଟ ହୋଇଛନ୍ତି। ମହାରାଷ୍ଟ୍ରରେ ୪୫, ଗୁଜରାଟରେ ୩୪, କର୍ଣ୍ଣାଟକରେ ୩୫, ଦିଲ୍ଲୀରେ ୨୩ ଓ ଆନ୍ଧ୍ରପ୍ରଦେଶରେ ୪ ଜଣ କରୋନା ସଂକ୍ରମିତ ମିଳିଛନ୍ତି।

ଗତ କିଛି ସପ୍ତାହ ମଧ୍ୟରେ ବିଭିନ୍ନ ରାଜ୍ୟରୁ ଆସୁଥିବା ଏହି ସଂଖ୍ୟା ସରକାର ପାଇଁ ଏକ ସତର୍କ ଘଣ୍ଟି ହେବା ସ୍ୱାଭାବିକ। ଯଦିଓ ବର୍ତ୍ତମାନ ପର୍ଯ୍ୟନ୍ତ କୌଣସି ନୂଆ ଗାଇଡଲାଇନ୍ ଘୋଷଣା ହୋଇନାହିଁ, କେନ୍ଦ୍ର ସରକାର ୨୮ ତାରିଖରେ ଏହା ଉପରେ ଏକ ଉଚ୍ଚସ୍ତରୀୟ ସମୀକ୍ଷା ବୈଠକ କରିବାକୁ ଯୋଜନା କରୁଛି।

ସ୍ୱାସ୍ଥ୍ୟ ବିଶେଷଜ୍ଞମାନେ କହିଛନ୍ତି ଯେ, ଯଦି ଏହି ଧାରାବାହିକ ଭାବରେ ସଂକ୍ରମଣ ବଢ଼ିବାକୁ ଥାଏ, ତେବେ ଦୁଇତି ପାଲାରେ ଟିକାକରଣ ଓ ସତର୍କତା ମାନିବା ବ୍ୟତୀତ ଅନ୍ୟ କୌଣସି ବିକଳ୍ପ ନଥାଏ।

ଜନସାଧାରଣ ପାଇଁ ପରାମର୍ଶ:

• ଭିଡ଼ ଭିତରେ ମାସ୍କ ପିନ୍ଧିବାକୁ ଆଦତ କରନ୍ତୁ।
• ସ୍ୱାସ୍ଥ୍ୟ ଆବଶ୍ୟକତା ଅନୁଯାୟୀ ଟିକାର ବୁଷ୍ଟର ଡୋଜ୍ ନିଅନ୍ତୁ।
• କ୍ଷୁଦ୍ର ଲକ୍ଷଣ ଦେଖାଦେଲେ ତୁରନ୍ତ ସ୍ୱାସ୍ଥ୍ୟ କେନ୍ଦ୍ରରେ ସମ୍ପର୍କ କରନ୍ତୁ।

ପ୍ରଶାସନ ଓ ସ୍ୱାସ୍ଥ୍ୟ ବିଭାଗ ପ୍ରବଳ ସତର୍କ ଅବସ୍ଥାରେ ଅଛି। ଆଗାମୀ ଦିନରେ କୌଣସି ନୂଆ ନିୟମ ଘୋଷଣା ହେବା ସମ୍ଭାବନା ଥିବା ବେଳେ ଲୋକମାନେ ସତର୍କ ଓ ସଚେତନ ରହିବାକୁ ଉଚିତ।