ପାଟନା (୨୪.୭): ବିହାରରେ ଭୋଟର ତାଲିକା ସଂଶୋଧନ ପାଇଁ ନିର୍ବାଚନ କମିଶନ (ECI) ଏକ ବଡ଼ ଘୋଷଣା କରିଛି। ଏହି ସଘନ ସଂଶୋଧନ ଅଭିଯାନ (Special Intensive Revision – SIR) ଅନୁସାରେ, ଯଦି କୌଣସି ଯୋଗ୍ୟ ଭୋଟରଙ୍କ ନାମ ତାଲିକାରୁ ଅଞ୍ଚଳ ଅଧିକାରୀଙ୍କ ଭୁଲ ବା କାରଣରେ ବାଦ ହୋଇଯାଇଛି, ତେବେ ସେମାନେ ଏହି ତାଲିକାରେ ପୁନର୍ବାର ନାମ ଯୋଡିବା ପାଇଁ ଦାବି କରିପାରିବେ।
୧ ଅଗଷ୍ଟ ୨୦୨୫ ରେ ଡ୍ରାଫ୍ଟ ଭୋଟର ତାଲିକା ପ୍ରକାଶିତ ହେବ, ଏବଂ ୧ ସେପ୍ଟେମ୍ବର ୨୦୨୫ ପର୍ଯ୍ୟନ୍ତ ଯେକୌଣସି ଭୋଟର କିମ୍ବା ସ୍ୱୀକୃତି ପ୍ରାପ୍ତ ରାଜନୈତିକ ଦଳ ତାଲିକା ଉପରେ ଆପତ୍ତି ବା ଦାବି ଦାଖଲ କରିପାରିବେ। ଏହା ଅନୁଯାୟୀ, BLO ବା BLA ଦ୍ୱାରା ଅସାବଧାନତାରେ ବାଦ ହୋଇଥିବା ଭୋଟରଙ୍କ ନାମ ପୁନଃ ତାଲିକାରେ ଅନ୍ତର୍ଭୁକ୍ତ ହେବାର ସୁଯୋଗ ମିଳିବ।
ନିର୍ବାଚନ କମିଶନ କହିଛି ଯେ ଏହି ସମୟସୀମା ମଧ୍ୟରେ ଅଭିଯୋଗ, ଆପତ୍ତି ବା ନୂଆ ନାମ ଭର୍ତ୍ତି ପାଇଁ ଜିଲ୍ଲା ନିର୍ବାଚନ କାର୍ଯ୍ୟାଳୟ, ERO/AERO କିମ୍ବା ଅନଲାଇନ୍ ମାଧ୍ୟମ ରେ ଆବେଦନ କରିପାରିବେ। ଏହି ପ୍ରକ୍ରିୟା ମାଧ୍ୟମରେ ଆଗାମୀ ନିର୍ବାଚନ ପାଇଁ ସମ୍ପୂର୍ଣ୍ଣ ଭୋଟର ତାଲିକା ତିଆରି ହେବ।