ଶ୍ରୀନଗର, 24 ସେପ୍ଟେମ୍ବର: ଲଦାଖକୁ ପୂର୍ଣ୍ଣ ରାଜ୍ୟ ମାନ୍ୟତା ଓ ଷଷ୍ଠ ଅନୁସୂଚୀରେ ଅନ୍ତର୍ଭୁକ୍ତ କରିବା ଦାବିକୁ କେନ୍ଦ୍ର କରି, ସାମାଜିକ କର୍ମୀ ସୋନମ ୱାଙ୍ଗଚୁକଙ୍କ ସମର୍ଥନରେ ଲେହରେ Gen-Z ଛାତ୍ରମାନେ ଆନ୍ଦୋଳନରେ ଯୋଗଦେଇଥିଲେ। ବୁଧବାର ଆୟୋଜିତ ଏହି ପ୍ରତିବାଦ ଶୀଘ୍ର ହିଂସାତ୍ମକ ଆକାର ନେଇଥିଲା ଏବଂ ଏକ CRPF ଗାଡ଼ିକୁ ଅଗ୍ନିଦାହ କରାଯାଇଥିଲା।
ପୋଲିସ ପରିସ୍ଥିତିକୁ ନିୟନ୍ତ୍ରଣରେ ଆଣିବାକୁ ଚେଷ୍ଟା କଲେମଧ୍ୟ, ପ୍ରତିବାଦକାରୀ ଛାତ୍ରମାନେ ପୋଲିସଙ୍କ ସହିତ ଧକ୍କାଧକ୍କି କରିଥିଲେ। ୱାଙ୍ଗଚୁକ କିଛି ସପ୍ତାହ ଧରି ଲଦାଖରେ ଅନଶନରେ ବସିଛନ୍ତି ଏବଂ ସେ ପୂର୍ବରୁ ନୂଆଦିଲ୍ଲୀ ଅଭିମୁଖେ ଏକ ମାର୍ଚ୍ଚର ନେତୃତ୍ୱ ମଧ୍ୟ କରିଥିଲେ।
୨୦୧୯ ଅଗଷ୍ଟ ୫ରେ ଧାରା ୩୭୦ ପ୍ରତ୍ୟାହାର ପରେ ଜମ୍ମୁ-କଶ୍ମୀର ଦୁଇଟି କେନ୍ଦ୍ରଶାସିତ ଅଞ୍ଚଳ — ଜମ୍ମୁ-କଶ୍ମୀର ଏବଂ ଲଦାଖ — ଭାବରେ ବିଭକ୍ତ ହୋଇଥିଲା। ସେଥିଠାରୁ ଲଦାଖରେ ପୂର୍ଣ୍ଣ ରାଜ୍ୟ ମାନ୍ୟତା ଏବଂ ସ୍ୱତନ୍ତ୍ର ଅଧିକାର ପାଇଁ ଦାବି ଜୋରଦାର ହୋଇଆସୁଛି।