ନୂଆଦିଲ୍ଲୀ: କେନ୍ଦ୍ର ସରକାରୀ କର୍ମଚାରୀଙ୍କ ପାଇଁ ଗୁରୁତ୍ୱପୂର୍ଣ୍ଣ ଖବର। ସରକାର ରାଜ୍ୟସଭାରେ ସୂଚନା ଦେଇଛି ଯେ ଯେକୌଣସି ସ୍ୱୟଂଶାସିତ ସଂସ୍ଥାରେ କରାଯାଇଥିବା ସେବାକୁ ମଧ୍ୟ କେନ୍ଦ୍ରୀୟ କର୍ମଚାରୀଙ୍କ ଗ୍ରାଚ୍ୟୁଇଟି ଗଣନାରେ ଯୋଡ଼ାଯିବ। ସ୍ୱୟଂଶାସିତ ସଂସ୍ଥାମାନେ ସରକାରୀ ସଂସ୍ଥା କିମ୍ବା ସଂଗଠନ, ଯେଉଁଥିରେ କାର୍ଯ୍ୟରେ କିଛି ସ୍ୱାୟତ୍ତତା ରହେ।
କେନ୍ଦ୍ର କର୍ମିକ ରାଷ୍ଟ୍ରମନ୍ତ୍ରୀ ଜିତେନ୍ଦ୍ର ସିଂହ କହିଛନ୍ତି, ପେନସନ ଓ ପେନସନଭୋଗୀ କଲ୍ୟାଣ ବିଭାଗ (DOPPW) ୨୦୨୧ରେ ‘କେନ୍ଦ୍ରୀୟ ସିଭିଲ ସେବା (ଜାତୀୟ ପେନସନ ପ୍ରଣାଳୀ ଅଧୀନରେ ଗ୍ରାଚ୍ୟୁଇଟି ପ୍ରଦାନ)’ ନିୟମ ଅଧିସୂଚିତ କରିଛି। ଏହି ନିୟମ ସ୍ୱୟଂଶାସିତ ସଂସ୍ଥାରେ ସ୍ୱତଃପ୍ରୟୋଗୀ ନୁହେଁ, କିନ୍ତୁ କେନ୍ଦ୍ରୀୟ କର୍ମଚାରୀଙ୍କ ସେବା ସମୟ ଗଣନାରେ ସ୍ୱୟଂଶାସିତ ସଂସ୍ଥାର ସେବା ଯୋଡ଼ାଯାଇପାରିବ।
ମନ୍ତ୍ରୀ ଆହୁରି କହିଛନ୍ତି, ସ୍ୱାୟତ୍ତ ସଂସ୍ଥାମାନେ ଗ୍ରାଚ୍ୟୁଇଟି ପ୍ରଦାନ, ସୁଧ ଦେବା କିମ୍ବା ସେବା ଅବଧି ଗଣନାରେ ନିଜସ୍ୱ ନିୟମ ଅନୁସରଣ କରନ୍ତି। ୨୦୨୨ରୁ ୨୦୨୫ ଜୁନ୍ ପର୍ଯ୍ୟନ୍ତ ୮୦,୩୬,୦୪୨ ସାଧାରଣ ଅଭିଯୋଗର ସମାଧାନ ହୋଇଛି।
ଅନ୍ୟପଟେ, ୨୦୧୬ ପରେ ପ୍ରାୟ ୪.୮ ଲକ୍ଷ ବ୍ୟାକଲଗ୍ ଖାଲି ପଦବୀ ପୂରଣ ହୋଇଥିବା ସରକାରୀ ତଥ୍ୟରୁ ଜଣାପଡ଼ିଛି। ସମୟସୀମାରେ ଖାଲି ପଦବୀ ପୂରଣ ପାଇଁ ମନ୍ତ୍ରଣାଳୟ ଓ ବିଭାଗମାନଙ୍କୁ ସରକାର ପରାମର୍ଶ ଦେଇଆସୁଛି।