ନୂଆଦିଲ୍ଲୀ: ପଶ୍ଚିମ ଏସିଆରେ ଜାରି ରହିଥିବା ଯୁଦ୍ଧ ଓ ତନାତନି ମଧ୍ୟରେ India ମାନବିକ ପଦକ୍ଷେପ ନେଇ Iranକୁ ଚିକିତ୍ସା ସହାୟତା ପଠାଇଛି। United States ଓ Israel ସହ ତିବ୍ର ଉତ୍ତେଜନାରେ ଜଡ଼ିତ ଇରାନ ପାଇଁ ଏହା ଏକ ବଡ଼ ସମର୍ଥନ ବୋଲି ଦେଖାଯାଉଛି।
ରିପୋର୍ଟ ଅନୁଯାୟୀ, ଭାରତ ପକ୍ଷରୁ ପ୍ରଥମ ପର୍ଯ୍ୟାୟରେ ଜରୁରୀ ଔଷଧ ଓ ଚିକିତ୍ସା ସାମଗ୍ରୀ ପଠାଯାଇଛି। ଏହି ସହାୟତାକୁ Iranian Red Crescent Societyଙ୍କୁ ହସ୍ତାନ୍ତର କରାଯାଇଥିବା ନେଇ ନୂଆଦିଲ୍ଲୀ ସ୍ଥିତ ଇରାନ ଦୂତାବାସ ସୂଚନା ଦେଇଛି।
ଭାରତରେ ଇରାନର ରାଷ୍ଟ୍ରଦୂତ Mohammad Fathali ଦିଲ୍ଲୀ-ତେହେରାନ ସମ୍ପର୍କକୁ ଗୁରୁତ୍ୱ ଦେଇ କହିଛନ୍ତି ଯେ, ଭାରତ ଏକ ବିଶ୍ୱସ୍ତ ଓ ବନ୍ଧୁତ୍ୱପୂର୍ଣ୍ଣ ଦେଶ। ଅନେକ ଦେଶ ସହଯୋଗ କରିବାକୁ ପଛକୁ ହଟିଥିବା ବେଳେ ଭାରତ ଆଗୁଆଁ ହୋଇ ଜାହାଜ ମାଧ୍ୟମରେ ଜରୁରୀ ସାମଗ୍ରୀ ପଠାଇଥିବାରୁ ସେ କୃତଜ୍ଞତା ଜଣାଇଛନ୍ତି।
ସେହିପରି, ସହଯୋଗ ନକରିଥିବା ଦେଶମାନଙ୍କୁ କଡ଼ା ସନ୍ଦେଶ ଦେଇ କହିଛନ୍ତି ଯେ ଉଚିତ ସମୟରେ ଉଚିତ ଜବାବ ଦିଆଯିବ। ଏହି ଘଟଣା ପୁଣିଥରେ ଆନ୍ତର୍ଜାତୀୟ ମଞ୍ଚରେ Indiaର ସନ୍ତୁଳିତ ଓ ସ୍ୱାଧୀନ ବୈଦେଶିକ ନୀତିକୁ ପ୍ରମାଣ କରିଛି।