ନୂଆଦିଲ୍ଲୀ: ମିଜୋରାମ ଏବଂ ମଣିପୁରରେ ବସବାସ କରୁଥିବା ବନେଇ ମେନାଶେ—ଇହୁଦୀଙ୍କ 10ଟି ହଜିଯାଇଥିବା ଜନଜାତି ମଧ୍ୟରୁ ଗୋଟିଏ ଭାବରେ ପରିଚିତ—ଜନଜାତିଙ୍କ ପୁନର୍ବାସ ପଥ ଏବେ ପରିଷ୍କାର ହୋଇଛି। ଭାରତ ସରକାର ସହିତ ଆଲୋଚନା ପରେ ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁ ସରକାର ଏହି ସମ୍ପ୍ରଦାୟର 5,800 ସଦସ୍ୟଙ୍କୁ 2030 ସୁଦ୍ଧା ଇସ୍ରାଏଲକୁ ଫେରାଇବା ପାଇଁ ସମ୍ମତି ଦେଇଛନ୍ତି। ସେମାନଙ୍କୁ ଉତ୍ତର ଇସ୍ରାଏଲର ଗାଲିଲି ଅଞ୍ଚଳରେ ପୁନଃସ୍ଥାପନ କରାଯିବ।
କିଏ ଅଟନ୍ତି ବନେଇ ମେନାଶେ?
ଜେରୁସାଲେମ ପୋଷ୍ଟ ଅନୁଯାୟୀ, ବନେଇ ମେନାଶେ (ଭାରତରେ ଶିନଲୁଙ୍ଗ ନାମରେ ପରିଚିତ) ହେଉଛନ୍ତି ତିବ୍ବତ-ବର୍ମାନ ଜାତିଗତ ଗୋଷ୍ଠୀରୁ ଆସିଥିବା ଭାରତୀୟ ଇହୁଦୀମାନେ। ସେମାନଙ୍କ ବିଶ୍ୱାସ ଅନୁଯାୟୀ, ସେମାନେ ପୌରାଣିକ ଇସ୍ରାଏଲୀୟ ମନାସେ ଜନଜାତିର ବଂଶଧର।
ଅନୁମାନ କରାଯାଏ ଯେ ବନେଇ ମେନାଶେ ସମ୍ପ୍ରଦାୟର
- 10,000 ସଦସ୍ୟ ଅଛନ୍ତି,
- ଯେଉଁଥିରୁ ପ୍ରାୟ 5,000 ଭାରତରେ
- ଏବଂ 5,000 ଇସ୍ରାଏଲରେ ବସିବାସ କରନ୍ତି।
1951 ରୁ ଆରମ୍ଭ ହୋଇଥିବା ଇହୁଦୀ ପରିଚୟ ଆନ୍ଦୋଳନ
୨୦୦୪ରେ ପ୍ରକାଶିତ ଗବେଷଣାରେ କୁହାଯାଇଛି ଯେ ବନେଇ ମେନାଶେଙ୍କ ଇହୁଦୀ ପରିଚୟ ଆନ୍ଦୋଳନ 1951ରେ ଆରମ୍ଭ ହୋଇଥିଲା।
ମିଜୋରାମର ଜଣେ ଆଦିବାସୀ ନେତାଙ୍କ ଦର୍ଶନରୁ ସେମାନେ ବିଶ୍ୱାସ କଲେ ଯେ ସେମାନଙ୍କ ପ୍ରାଚୀନ ଜନ୍ମଭୂମି ଇସ୍ରାଏଲ।
ଏହି ଆନ୍ଦୋଳନ ପୂର୍ବରୁ ସମ୍ପ୍ରଦାୟର ଅଧିକାଂଶ ଖ୍ରୀଷ୍ଟିଆନ ଥିଲେ।
2005ରେ ମିଳିଥିଲା ଇହୁଦୀ ଚିହ୍ନଟର ସରକାରି ସ୍ୱୀକୃତି
ବନେଇ ମେନାଶେଙ୍କୁ “ହଜିଯାଇଥିବା ଇହୁଦୀ ଜନଜାତି” ବୋଲି ଇସ୍ରାଏଲ 2005ରେ ସରକାରି ଭାବରେ ଚିହ୍ନଟ କରିଥିଲା।
ସେହିପୂର୍ବରୁ ସେମାନଙ୍କର ଡିଏନଏ ପରୀକ୍ଷାରେ ମଧ୍ୟପ୍ରାଚ୍ୟ ସହିତ ସର୍ବଥା ସ୍ପଷ୍ଟ ପରିଚୟ ମିଳିନଥିଲା।
ତାଙ୍କ ଆନ୍ଦୋଳନର ଇତିହାସ
✦ 1950ର ଦଶକ ରୁ ଆରମ୍ଭ ହୋଇଥିବା ମେସିଆନିକ ଆନ୍ଦୋଳନ
- ମିଜୋରାମର ଚାଲିଆନଥାଙ୍ଗା (ଚାଲ୍ଲା) 1951ରେ ଏକ ଦର୍ଶନ ପାଇ ଦାବି କଲେ ଯେ ମିଜୋମାନେ ଇସ୍ରାଏଲୀୟଙ୍କ ବଂଶଧର।
- 1953ରେ ଡେଭିଡ୍ ସାୟାମା ହମାର “ଇସ୍ରାଏଲର ପଥର” ଦର୍ଶନ ପାଇ ଇହୁଦୀ ଧର୍ମକୁ ସାମ୍ପୂର୍ଣ୍ଣ ଭାବରେ ଅଙ୍ଗୀକାର କଲେ।
ପୁନରୁଦ୍ଧାର ଆନ୍ଦୋଳନକୁ ଆଗେଇ ନେଇଥିବା ପ୍ରମୁଖ ନେତାମାନେ
- ଥାଙ୍ଗଖୋଲୁନ୍ ଡାନିଏଲ୍ ଲୁଙ୍ଗଡିମ୍: “ଇସ୍ରାଏଲ ଇହିଉୱେ” (We Are Israel) ପୁସ୍ତକ ଲେଖକ।
- ସାମୁଏଲ ସୁମଖୋଥାଙ୍ଗ୍ ହାଓକିପ୍,
- ଯୋସେଫ ଜାଙ୍ଗଖୋଥାଙ୍ଗ୍ ଲୁଙ୍ଗହାଲ୍।
ଏମାନେ ସମସ୍ତେ ଉତ୍ତର-ପୂର୍ବରେ ଇହୁଦୀ ପରିଚୟ ଆନ୍ଦୋଳନ କୁ ସୁଦୃଢ଼ କରିଥିଲେ।
1972ରେ ‘ମଣିପୁର ଇସ୍ରାଏଲୀ ପରିବାର ସଂଘ’ ପ୍ରତିଷ୍ଠା
1972 ମସିହାରେ ଚୁରାଚାନ୍ଦପୁରରେ ସ୍ଥାପିତ ଏହା ଥିଲା ବନେଇ ମେନାଶେ ସମ୍ପ୍ରଦାୟର ପ୍ରଥମ ସଂଗଠିତ ମଞ୍ଚ।
ଆଇଜଲ ଏବଂ ଇମ୍ଫାଲ—ଇହୁଦୀ ପ୍ରବାସ ଓ ଶିକ୍ଷାର କେନ୍ଦ୍ର
ଶାଭେଇ ଇସ୍ରାଏଲ୍ ସଂଗଠନର ସହାୟତାରେ ଦୁଇ ସହର ଇହୁଦୀ ଶିକ୍ଷା ଏବଂ ପ୍ରବାସ ପ୍ରକ୍ରିୟାର ମୁଖ୍ୟ କେନ୍ଦ୍ର ହୋଇଉଠିଲା।