“ପାଣି ଏବଂ ରକ୍ତ ଏକାଠି ବୋହିପାରିବ ନାହିଁ, ପରମାଣୁ ଅସ୍ତ୍ର ବ୍ଲାକମେଲିଂକୁ ସହିବୁ ନାହିଁ” — ପାକିସ୍ତାନକୁ ମୋଦୀଙ୍କ କଡା ସନ୍ଦେଶ

ନୂଆଦିଲ୍ଲୀ: ଭାରତ–ପାକିସ୍ତାନ ମଧ୍ୟରେ ହୋଇଥିବା ଡିଜିଏମଓ ସ୍ତରର ଆଲୋଚନା ପରେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଦେଶବାସୀଙ୍କୁ ସମ୍ବୋଧନ କରି ଗୁରୁତ୍ୱପୂର୍ଣ୍ଣ ବୟାନ ଦେଇଛନ୍ତି। ଅପରେସନ “ସିନ୍ଦୂର” ପରେ ପ୍ରଥମଥର ପାଇଁ ସେ ଖୋଲାଆମରେ ପାକିସ୍ତାନ, ପିଓକେ, ଆତଙ୍କବାଦ ଓ ଅସ୍ତ୍ରବିରତି ନେଇ କଠୋର ଧ୍ୱନିରେ କହିଛନ୍ତି।

ପ୍ରଧାନମନ୍ତ୍ରୀ କହିଛନ୍ତି, “ପାଣି ଏବଂ ରକ୍ତ ଏକାଠି ବୋହିପାରିବ ନାହିଁ। ଭାରତ ପରମାଣୁ ଅସ୍ତ୍ର ବ୍ଲାକମେଲିଂକୁ ଭୟ କରୁନାହିଁ, ଆମେ ଜବାବ ଦେବାକୁ ସମର୍ଥ।”

ସେ ଅଧିକ କହିଛନ୍ତି ଯେ ପାକିସ୍ତାନର ଡ୍ରୋନ୍ ଓ କ୍ଷେପଣାସ୍ତ୍ରଗୁଡ଼ିକୁ ଭାରତର ଶକ୍ତିଶାଳୀ ବାୟୁ ପ୍ରତିରକ୍ଷା ପ୍ରଣାଳୀ ଆକାଶରେ ଧ୍ୱଂସ କରିଥିଲା। “ଯେତେବେଳେ ପାକିସ୍ତାନ ଯୁଦ୍ଧ ପାଇଁ ପ୍ରସ୍ତୁତ ହେଉଥିଲା, ଭାରତ ସେମାନଙ୍କ ଛାତି ଉପରେ ଯୁଦ୍ଧ କରିଥିଲା,” ବୋଲି ସେ କହିଛନ୍ତି।

ମୋଦୀ ଦାବି କରିଛନ୍ତି, ଭାରତୀୟ କ୍ଷେପଣାସ୍ତ୍ରଗୁଡ଼ିକ ପାକିସ୍ତାନୀ ବାୟୁସେନାର ଏୟାରବେସ୍‌ ଉପରେ ନିଶାନା ବନ୍ଧି କ୍ଷତି ପହଞ୍ଚାଇଥିଲା, ଯାହା ପାଇଁ ପାକିସ୍ତାନ ଗର୍ବ କରୁଥିଲା। ସେ କହିଛନ୍ତି, “ପ୍ରଥମ ୩ ଦିନରେ ଭାରତ ଏପରି ଧ୍ୱଂସ ଲାଗିଥିଲା, ଯାହା ପାକିସ୍ତାନ କଳ୍ପନା ମଧ୍ୟ କରିପାରିନଥିଲା।”

ଅନ୍ତେ, ସେ ଦାବି କରିଛନ୍ତି ଯେ ଭାରତ ପାକିସ୍ତାନ ସୀମାରେ ଥିବା ଆତଙ୍କବାଦୀ ଆଡ୍ଡାଗୁଡ଼ିକୁ ଧ୍ୱଂସ କରିଥିଲା। ପାକିସ୍ତାନ ପରାସ୍ତ ହେବା ପରେ ମେ ୧୦ ତାରିଖରେ ଭାରତ ସହିତ ସମ୍ପର୍କ କରିଥିଲା ଏବଂ ଆଗାମୀ ଦିନରେ ଆତଙ୍କବାଦ କିମ୍ବା ସାମରିକ ଆକ୍ରମଣ ନ କରିବା ନିର୍ଦ୍ଦେଶ ଦେଇଥିଲା। ଭାରତ ଏହାକୁ ବିଚାର କରିଥିଲା, କିନ୍ତୁ ଆଗାମୀ ଯେକୌଣସି ଚେଷ୍ଟା ପାଇଁ ସେ ପ୍ରସ୍ତୁତ ବୋଲି ମୋଦୀ ଏହି ବୟାନ ମାଧ୍ୟମରେ ସଫ ଚେତାବନୀ ଦେଇଛନ୍ତି।