ନୂଆଦିଲ୍ଲୀ, ୭ ଅକ୍ଟୋବର: ଭାରତୀୟ କ୍ରିକେଟ୍ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂହ ଧୋନିଙ୍କ ବାଇକ୍ ପ୍ରେମ ସବୁଙ୍କୁ ଜଣାଶୁଣା। କିନ୍ତୁ ଏବେ ସେ ନୂଆ ଭାବେ ଡ୍ରୋନ୍ ଉଡ଼ାଇବା ପ୍ରତି ଆଗ୍ରହ ଦେଖାଇଛନ୍ତି। ସେ ଡିଜିସିଏ (ବେସାମରିକ ବିମାନ ଚଳାଚଳ ମହାନିର୍ଦ୍ଦେଶକ) ଠାରୁ ଡ୍ରୋନ୍ ଉଡ଼ାଇବାର ଅଧିକୃତ ଲାଇସେନ୍ସ ପ୍ରାପ୍ତ କରିଛନ୍ତି।
ଧୋନି ଗରୁଡ଼ ଏରୋସ୍ପେସ୍ ନାମକ ଡିଜିସିଏ ସ୍ୱୀକୃତ ପ୍ରତିଷ୍ଠାନରେ ଡ୍ରୋନ୍ ପାଇଲଟ୍ ପ୍ରଶିକ୍ଷଣ ନେଇଥିଲେ। ଏହି ପ୍ରଶିକ୍ଷଣ ପରେ ସେ ଅଧିକୃତ ଭାବରେ ଡ୍ରୋନ୍ ଚାଳନା କରିପାରିବେ।
ଉଲ୍ଲେଖନୀୟ ଯେ, ଧୋନି ପୂର୍ବରୁ ଭାରତୀୟ ସେନାରେ ସମ୍ମାନସୂଚକ କର୍ଣ୍ଣେଲ ପଦବୀ ରଖିଥିଲେ। ଦେଶପ୍ରେମ ଓ ଦୃଢ଼ ସଂକଳ୍ପ ପାଇଁ ପରିଚିତ ଧୋନିଙ୍କ ଏହି ନୂଆ ପଦକ୍ଷେପକୁ ଅନେକ ଭକ୍ତ ଦେଶସେବା ପ୍ରତି ତାଙ୍କ ନିଷ୍ଠା ଭାବେ ଦେଖୁଛନ୍ତି।