ନୂଆଦିଲ୍ଲୀ, 21 ଅଗଷ୍ଟ:
ସଂସଦର ଉଚ୍ଚସଦନ ରାଜ୍ୟ ସଭାରେ ଅନଲାଇନ ଗେମିଂ ପ୍ରମୋସନ ଏବଂ ରେଗୁଲେସନ ବିଲ୍, 2025 ଗୁରୁବାର ପାରିତ ହୋଇଛି। କୌଣସି ଦୀର୍ଘ ଆଲୋଚନା ବିନା, ହଟ୍ଟଗୋଳ ପରିସ୍ଥିତିରେ ଏହି ବିଲକୁ ମଞ୍ଜୁରୀ ମିଳିଛି।
ଏହି ବିଲ୍ଟି ଇ-ସ୍ପୋର୍ଟ୍ସ ଏବଂ ଅନଲାଇନ ସାମାଜିକ ଖେଳକୁ ପ୍ରୋତ୍ସାହନ ଦେବା ସହିତ ସମସ୍ତ ପ୍ରକାରର ଟଙ୍କା ଭିତ୍ତିକ ଖେଳକୁ ସମ୍ପୂର୍ଣ୍ଣ ନିଷେଧ କରିବା ଲକ୍ଷ୍ୟରେ ଆଣାଯାଇଛି।
ମନ୍ତ୍ରୀ ଅଶ୍ୱିନୀ ବୈଷ୍ଣବ ଦ୍ୱାରା ପ୍ରସ୍ତୁତ ଏହି ବିଲ୍ରେ କିଛି ମୁଖ୍ୟ ବ୍ୟବସ୍ଥା:
- ଅନଲାଇନ ଟଙ୍କା ଭିତ୍ତିକ ଖେଳର ବିଜ୍ଞାପନ ସମ୍ପୂର୍ଣ୍ଣ ନିଷିଦ୍ଧ।
- ବ୍ୟାଙ୍କ ଏବଂ ଆର୍ଥିକ ସଂସ୍ଥାମାନେ ଏପରି ଖେଳ ପାଇଁ ପେମେଣ୍ଟ କିମ୍ବା ଟ୍ରାନ୍ସଫର୍ କରିପାରିବେ ନାହିଁ।
- ନଗଦ କିମ୍ବା ପୁରସ୍କାର ଜିତିବା ଆଶାରେ ଖେଳାଯାଉଥିବା ଅନଲାଇନ ବେଟିଂ ଏବଂ ଟଙ୍କା ଖେଳକୁ ସିଧାସଳଖ ନିଷେଧ।
ଏହି ବିଲ୍ ବୁଧବାର ଲୋକସଭାରେ ପାରିତ ହୋଇଥିବା ପରେ ରାଜ୍ୟ ସଭାରେ ମଧ୍ୟ ଅନୁମୋଦିତ ହେବା ସହିତ ଏବେ ଆଇନ ରୂପେ କାର୍ଯ୍ୟକରୀ ହେବାକୁ ଯାଉଛି।