ଇସଲାମାବାଦ, ଜୁନ୍ ୨୫: ପାକିସ୍ତାନୀ ସଂସଦରେ ଏକ ଭିଡିଓ ଭାଇରାଲ ହୋଇଛି, ଯେଉଁଠାରେ ସାଂସଦ ଗୋହର ଅଲି ଖାନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱ ଓ ଭାରତର ଉନ୍ନତି ଦୃଷ୍ଟିକୋଣକୁ ପ୍ରଶଂସା କରିଛନ୍ତି। ତାଙ୍କର କହିବା ଅନୁସାରେ, ପାକିସ୍ତାନରେ ରାଜନୈତିକ ନେତାମାନେ ଭାରତର ନୀତି ଓ ଦୃଷ୍ଟିକୋଣରୁ ଶିଖିବା ଉଚିତ।
ଗୋହର ଅଲି ଖାନ ଭାଷଣ ଦେଇ ବଲିଛନ୍ତି, ଭାରତରେ ମୋଦୀ ସରକାର ୧୦,୦୦୦ ନୂତନ ଡାକ୍ତରୀ ସିଟ୍ ବୃଦ୍ଧି କରି ଡାକ୍ତରୀ ଶିକ୍ଷାକୁ ଉନ୍ନତ କରୁଛନ୍ତି। ଏହି ପଦକ୍ଷେପ ସ୍ୱାସ୍ଥ୍ୟ ଖାତରେ ଏକ ମିଳେସ୍ଥମ୍ଭ ବୋଲି ସେ ବର୍ଣ୍ଣନା କରିଛନ୍ତି। ଏହା ସହିତ, ଭାରତର ବଜେଟରେ କୃତ୍ରିମ ବୁଦ୍ଧିମତ୍ତା (AI) ଉପରେ ୫୦୦ କୋଟି ଟଙ୍କା ଆବଣ୍ଟନ ପ୍ରସଙ୍ଗରେ ମଧ୍ୟ ସେ ଭାରତ ସରକାରକୁ ପ୍ରଶଂସା କରିଛନ୍ତି।
ଏହି ତୁଳନାରେ ସେ ପାକିସ୍ତାନ ସରକାର, ବିଶେଷକରି ଶାହବାଜ ସରିଫଙ୍କ ନେତୃତ୍ୱ ଉପରେ ନିଶାନା ସାଧିଛନ୍ତି। ସେ କହିଛନ୍ତି, ପାକିସ୍ତାନର ସ୍ୱାସ୍ଥ୍ୟ ବଜେଟ୍ କମି ଯାଉଛି ଓ ଏଆଇ ରେ କୌଣସି ନିବେଶ ହେଉନାହିଁ, ଯାହା ଦେଶକୁ ପଛକୁ ଟାଣିଦେଉଛି।
ଅପ୍ରତ୍ୟାଶିତ ଭାବେ ଭାରତ ପ୍ରଶଂସାରେ ଅଗ୍ରଣୀ ହୋଇଥିବା ଏହି ପାକିସ୍ତାନୀ ସାଂସଦ କହିଛନ୍ତି, “ଭାରତ ନାଗରିକଙ୍କ ସ୍ୱାସ୍ଥ୍ୟ, ଶିକ୍ଷା ଓ ପ୍ରଯୁକ୍ତି ଉନ୍ନତିକୁ ନେଇ ଦୂରଦୃଷ୍ଟି ରଖିଛି, ଯାହାରୁ ଆମେ ଶିଖିବା ଦରକାର।” ଅନ୍ୟ ସାଂସଦମାନେ ମଧ୍ୟ ତାଙ୍କର ମତକୁ ଗୁରୁତ୍ୱ ଦେଇଛନ୍ତି।
ସୂଚନାଯୋଗ୍ୟ, ଏପ୍ରିଲ ୨୦୨୫ରେ ପହଲଗାମରେ ଘଟିଥିବା ଆତଙ୍କବାଦୀ ଆକ୍ରମଣରେ ୨୬ ଜଣ ମୃତ୍ୟୁବରଣ କରିଥିଲେ। ଏହା ପରେ ଭାରତ ଓ ପାକିସ୍ତାନ ମଧ୍ୟରେ ଉତ୍ତେଜନା ବଢ଼ିଥିଲା ଓ ଭାରତ ଅପରେସନ ‘ସିନ୍ଦୁର’ ରେ ପ୍ରତିଶୋଧ ନେଇଥିଲା। ଏପରି ସମୟରେ ଏକ ପାକିସ୍ତାନୀ ସାଂସଦଙ୍କ ଭାରତ ପ୍ରଶଂସା ନିହାତି ଚମତ୍କୃତିକର।