ନୂଆଦିଲ୍ଲୀ: ବୁଢ଼ାବସ୍ଥାରେ ଆର୍ଥିକ ସୁରକ୍ଷା ପାଇଁ କେନ୍ଦ୍ର ସରକାର ଚାଷୀମାନଙ୍କ ପାଇଁ ପ୍ରଧାନମନ୍ତ୍ରୀ କିସାନ ମାନଧନ ଯୋଜନା (PM-KMY) ଆରମ୍ଭ କରିଛନ୍ତି। ଏହି ଯୋଜନାରେ ସାମିଲ ହେବା ପରେ ଯୋଗ୍ୟ କୃଷକମାନେ ୬୦ ବର୍ଷ ବୟସ ପୂରଣ ପରେ ପ୍ରତିମାସ ୩,୦୦୦ ଟଙ୍କା (ବାର୍ଷିକ ୩୬,୦୦୦ ଟଙ୍କା) ପେନସନ ଲାଭ କରିପାରିବେ।
କେଉଁମାନେ ପାଇବେ ଲାଭ?
- ଏହା ଛୋଟ ଓ ସୀମାନ୍ତ ଚାଷୀମାନଙ୍କ ପାଇଁ ବିଶେଷ।
- ବୟସ ୧୮ରୁ ୪୦ ବର୍ଷ ମଧ୍ୟରେ ଥିବା କୃଷକମାନେ ସାମିଲ ହେଇପାରିବେ।
- ୬୦ ବର୍ଷ ପରେ ପେନସନ ମିଳିବ।
ପ୍ରିମିୟମ ଏବଂ ସରକାରୀ ଯୋଗଦାନ
- କୃଷକଙ୍କୁ ପ୍ରତିମାସ ୫୫ରୁ ୨୦୦ ଟଙ୍କା ପ୍ରିମିୟମ ଦେବାକୁ ପଡ଼ିବ (ବୟସ ଅନୁସାରେ)।
- କୃଷକ ଯେତେକି ପ୍ରିମିୟମ ଦେବେ, ସେତେକି ରାଶି ସରକାର ମଧ୍ୟ ଯୋଗ କରିବ।
- ଏହି ଭାବରେ ପେନସନ ଫଣ୍ଡ ତିଆରି ହେବ।
କିଭଳି କରିବେ ଆବେଦନ?
- ନିକଟସ୍ଥ କମନ ସର୍ଭିସ ସେଣ୍ଟର (CSC) କୁ ଯିବାକୁ ପଡ଼ିବ।
- ସହିତ ନେବାକୁ ପଡ଼ିବ –
- ଆଧାର କାର୍ଡ
- ବ୍ୟାଙ୍କ ପାସବୁକ
- ବୟସ ପ୍ରମାଣପତ୍ର
- ସିଏସସିରେ ଆଧାର ଆଧାରିତ ରେଜିଷ୍ଟ୍ରେସନ ହେବ।
- ପ୍ରତିମାସ ପ୍ରିମିୟମ ଜମା କରିବାକୁ ପଡ଼ିବ।
ବିଶେଷତ୍ୱ
- ଯେତେ ଶୀଘ୍ର ଚାଷୀ ଯୋଜନାରେ ସାମିଲ ହେବେ, ସେତେ କମ ପ୍ରିମିୟମ ଦେବାକୁ ପଡ଼ିବ।
- ଏହି ଯୋଜନା କୃଷକଙ୍କ ବୃଦ୍ଧାବସ୍ଥାରେ ଆର୍ଥିକ ସୁରକ୍ଷା ନିଶ୍ଚିତ କରିବ।