ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ୭୫ତମ ଜନ୍ମଦିନରେ ବିଶ୍ୱର ବିଭିନ୍ନ ନେତାମାନେ ଶୁଭେଚ୍ଛା ଜଣାଇଥିବା ବେଳେ, ଇଟାଲୀ ପ୍ରଧାନମନ୍ତ୍ରୀ ଜିଓର୍ଜିଆ ମେଲୋନି ଏକ ବିଶେଷ ପୋଷ୍ଟ କରିଛନ୍ତି। ସେ, ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ମୋଦୀଙ୍କ ସହ ନିଜର ଗୋଟିଏ ସେଲଫି ସେୟାର କରି, ଇଟାଲୀୟ ଭାଷାରେ ଶୁଭେଚ୍ଛା ସନ୍ଦେଶ ଲେଖିଥିଲେ।
ମେଲୋନି ତାଙ୍କ ପୋଷ୍ଟରେ କହିଛନ୍ତି ଯେ, “ପ୍ରଧାନମନ୍ତ୍ରୀ ମୋଦୀଙ୍କ ଶକ୍ତି, ଦୃଢ଼ ନିଷ୍ଠା ଏବଂ ଲକ୍ଷାଧିକ ଲୋକଙ୍କୁ ନେତୃତ୍ୱ ଦେବାର କ୍ଷମତା ପ୍ରେରଣାର ଉତ୍ସ। ମୁଁ ତାଙ୍କ ସୁସ୍ଥ ସ୍ୱାସ୍ଥ୍ୟ ଓ ଶକ୍ତି କାମନା କରୁଛି, ଯାହାର ମାଧ୍ୟମରେ ସେ ଭାରତକୁ ଏକ ଉଜ୍ଜ୍ୱଳ ଭବିଷ୍ୟତ ଆଡ଼କୁ ନେଇଯିବେ ଏବଂ ଦୁଇ ଦେଶର ସମ୍ପର୍କକୁ ଆହୁରି ମଜବୁତ କରିବେ।”
ତାଙ୍କ ସେୟାର କରାଯାଇଥିବା ସେଲଫିରେ, ଉଭୟ ପ୍ରଧାନମନ୍ତ୍ରୀଙ୍କୁ ହସୁଥିବା ଦେଖିବାକୁ ମିଳିଛି।