ଦୁବାଇ: ଦୁବାଇ ଏୟାର ସୋ’ରେ ଶୁକ୍ରବାର (୨୧ ନଭେମ୍ବର, ୨୦୨୫) ଏକ ଭୟାବହ ଘଟଣା ଘଟିଲା, ଯେଉଁଥିରେ ପ୍ରଦର୍ଶନୀ ସମୟରେ ଭାରତୀୟ HAL ନିର୍ମିତ ତେଜସ୍ ଯୁଦ୍ଧ ବିମାନ ଦୁର୍ଘଟଣାଗ୍ରସ୍ତ ହୋଇପଡ଼ିଲା। ଏହି ମାରାତ୍ମକ ଦୁର୍ଘଟଣାରେ ପାଇଲଟଙ୍କ ମୃତ୍ୟୁ ଘଟିଛି ବୋଲି କର୍ତ୍ତୃପକ୍ଷ ନିଶ୍ଚିତ କରିଛନ୍ତି।
ଘଟଣାସ୍ଥଳର ଭିଡିଓ ଏବେ ସୋସିଆଲ ମିଡିଆରେ ଭଳିକି ଭାଇରାଲ ହେଉଛି। ଭିଡିଓରେ ଦେଖାଯାଇଛି ଯେ, ତେଜସ୍ ଆକାଶରେ ଏରୋବାଟିକ୍ ସ୍ଟଣ୍ଟ କରୁଥିବା ବେଳେ ହଠାତ୍ ନିୟନ୍ତ୍ରଣ ହରାଇ ତଳକୁ ବେଗରେ ଖସିପଡ଼ୁଛି ଏବଂ ଭୂମିରେ ଲାଗି ଭୟଙ୍କର ବିସ୍ଫୋରଣ ଘଟିଯାଉଛି। ଦୃଶ୍ୟ ଦେଖି ସ୍ଥାନୀୟ ଦର୍ଶକମାନେ ସ୍ତବ୍ଧ ହୋଇଯାଇଥିଲେ।
ଘଟଣା ସମୟରେ—ସ୍ଥାନୀୟ ସମୟ ଅନୁସାରେ ବିକେଳ ୨:୧୦ରେ—ହଜାରହଜାର ଲୋକ ପ୍ରଦର୍ଶନୀ ଦେଖୁଥିଲେ। ବିମାନ ଉଡ଼ାଣ କରୁଥିବା ସମୟରେ ପାଇଲଟ ନିୟନ୍ତ୍ରଣ ହରାଇଥିବା ସନ୍ଦେହ କରାଯାଉଛି। ଭିଡିଓରେ ପାଇଲଟ୍ ଇଜେକ୍ଟ୍ କରିଥିବା ଦୃଶ୍ୟ ନମିଳିବାରୁ ପ୍ରଥମେ ସନ୍ଦେହ ଦୃଢ଼ ହୋଇଥିଲା ଯେ ସେ ଘଟଣାସ୍ଥଳରେ ପ୍ରାଣ ହାରାଇଥାନ୍ତି। ପରେ ସେଥିରେ ଆଧିକାରିକ ମୁହର ଲାଗିଛି।
ଦୁର୍ଘଟଣା ପରେ ଦୁବାଇ ଏୟାର ସୋ’କୁ ଅସ୍ଥାୟୀ ଭାବରେ ବନ୍ଦ କରାଯାଇଛି ଏବଂ ତଦନ୍ତ ପାଇଁ ସମଗ୍ର ଅଞ୍ଚଳକୁ ଘେରାଯାଇଛି।
ତେଜସ୍ ବିମାନ ସମ୍ପର୍କରେ:
ତେଜସ୍ ହେଉଛି ହିନ୍ଦୁସ୍ତାନ ଏରୋନଟିକ୍ସ ଲିମିଟେଡ୍ (HAL) ଦ୍ୱାରା ଉନ୍ନତ ୪.୫ ପିଢ଼ିର ମଲ୍ଟିରୋଲ୍ ଫାଇଟର ଜେଟ୍। ଏହା ବାୟୁ ପ୍ରତିରକ୍ଷା, ଗ୍ରାଉଣ୍ଡ ସପୋର୍ଟ, ଓ ନିକଟ ବିମାନ ଯୁଦ୍ଧ ଅଭିଯାନ ଚାଳନା ପାଇଁ ବ୍ୟବହୃତ ହୋଇଥାଏ।