ନୂଆଦିଲ୍ଲୀ: ପାକିସ୍ତାନର F-16 ଲଢ଼ୁଆ ବିମାନକୁ ଅପଗ୍ରେଡ୍ କରିବା ପାଇଁ ଆମେରିକା ୬୮୬ ନିୟୁତ ଡଲାର (ପ୍ରାୟ ୫୮୦୦ କୋଟି ଟଙ୍କା) ମୂଲ୍ୟର ଉନ୍ନତ ପ୍ରଯୁକ୍ତି ଏବଂ ଯନ୍ତ୍ରାଂଶ ବିକ୍ରୟକୁ ଅନୁମୋଦନ କରିଛି। ଆମେରିକୀୟ ପ୍ରତିରକ୍ଷା ସୁରକ୍ଷା ସହଯୋଗ ଏଜେନ୍ସି (DSCA) ଏହା ସମ୍ପର୍କରେ କଂଗ୍ରେସକୁ ଅଧିକୃତ ଭାବେ ସୂଚନା ପ୍ରଦାନ କରିଛି। ଏହି ବିକ୍ରୟକୁ ସମୀକ୍ଷା କରିବା ପାଇଁ କଂଗ୍ରେସ ପାଖରେ ୩୦ ଦିନ ସମୟ ଅଛି।
ଟ୍ରମ୍ପ ପ୍ରଶାସନର ଏହି ପଦକ୍ଷେପ ବିଶ୍ୱ ମାନଚିତ୍ରରେ ଅନେକ ପ୍ରଶ୍ନ ସୃଷ୍ଟି କରିଛି। ଅଞ୍ଚଳୀୟ ସୁରକ୍ଷାର ସନ୍ତୁଳନକୁ ଧ୍ୟାନରେ ରଖି, DSCA କୁହିଛି ଯେ ଏହି ଚୁକ୍ତି ଦକ୍ଷିଣ ଏସିଆର ସାମରିକ ସମତାକୁ ପ୍ରଭାବିତ କରିବ ନାହିଁ।
ପ୍ୟାକେଜରେ ଅନ୍ତର୍ଭୁକ୍ତ ସୁବିଧା
ପାକିସ୍ତାନୀ ଖବରକାଗଜ ଡନ୍ ରୁ ମିଳିଥିବା ସୂଚନା ଅନୁସାରେ, ଏହି ଅପଗ୍ରେଡ୍ ପ୍ୟାକେଜରେ—
- ଲିଙ୍କ-16 ଡାଟା ଲିଙ୍କ ସିଷ୍ଟମ,
- କ୍ରିପ୍ଟୋଗ୍ରାଫିକ୍ ଉପକରଣ,
- ଏଭିଓନିକ୍ସ ଅପଡେଟ୍,
- ପାଇଲଟ୍ ତାଲିମ ଏବଂ ଲଜିଷ୍ଟିକ୍ ସମର୍ଥନ—
ଅନ୍ତର୍ଭୁକ୍ତ ଅଛି।
ଏହି ଅପଗ୍ରେଡ୍ ସହ ଏଫ-୧୬ ବିମାନର ଜୀବନକାଳ ୧୫ ବର୍ଷ ବଢ଼ି ୨୦୪୦ ପର୍ଯ୍ୟନ୍ତ ପହଞ୍ଚିବ।
କଂଗ୍ରେସକୁ DSCA ର ଚିଠି
DSCA ଏହି ସୂଚନାକୁ ହାଉସ ବାଚସ୍ପତି ମାଇକ୍ ଜନସନ୍, ସେନେଟ୍ ବୈଦେଶିକ ସମ୍ପର୍କ କମିଟି ଅଧ୍ୟକ୍ଷ ଜେମ୍ସ ରିସ୍ଚ ଏବଂ ହାଉସ ବୈଦେଶିକ ବ୍ୟାପାର କମିଟି ଅଧ୍ୟକ୍ଷ ବ୍ରାଏନ୍ ମାଷ୍ଟଙ୍କୁ ପଠାଇଛି। ଏଜେନ୍ସି କହିଛି ଯେ ପାକିସ୍ତାନକୁ ଶୀଘ୍ର ଏକ ଅଫର-ଅ୍ୟାଣ୍ଡ-ଏକ୍ସେପ୍ଟାନ୍ସ ପତ୍ର ଜାରି କରାଯିବ।