ଭୁବନେଶ୍ୱରରେ ବସ୍ତି ନୁହେଁ, ଏବେ ମିଳିବ ସୁଲଭ ଘର: ରାଜ୍ୟ ସରକାରଙ୍କ ନୂଆ ଘୋଷଣା

ଭୁବନେଶ୍ୱର: ରାଜଧାନୀ ଭୁବନେଶ୍ୱରରେ ଆଉ ବସ୍ତି ବିକାଶ ହେବ ନାହିଁ। ଏହି ପ୍ରସଙ୍ଗରେ ଗୃହ ଓ ନଗର ଉନ୍ନୟନ ମନ୍ତ୍ରୀ କୃଷ୍ଣଚନ୍ଦ୍ର ମହାପାତ୍ର ଘୋଷଣା କରିଛନ୍ତି ଯେ ରାଜ୍ୟ ସରକାର ସାଧାରଣ ଓ ମଧ୍ୟବିତ୍ତ ଲୋକମାନଙ୍କ ପାଇଁ ସୁଲଭ ମୂଲ୍ୟରେ ଘର ବ୍ୟବସ୍ଥା କରିବ।

ଲଟେରି ମାଧ୍ୟମରେ ଘର ବଣ୍ଟନ

ଘରଗୁଡିକୁ MIG, LIG, LIG-1 ଓ MIG-2 ବର୍ଗରେ ବିଭାଜିତ କରାଯିବ ଓ ଦାମ ୧୫ ରୁ ୨୦ ଲକ୍ଷ ଟଙ୍କା ମଧ୍ୟରେ ରହିବ। ମନ୍ତ୍ରୀଙ୍କ କହିବା ଅନୁସାରେ ଏହି ଘର ଗୁଡିକୁ ଲଟେରି ମାଧ୍ୟମରେ ପ୍ରଦାନ କରାଯିବ।

ଧନୀ ଶ୍ରେଣୀ ପାଇଁ ନୁହେଁ

ଏହି ଯୋଜନାର ଲାଭ ଧନୀ ବର୍ଗର ଲୋକମାନେ ନେଇପାରିବେ ନାହିଁ। ସେମାନେ ଏଥିପାଇଁ ଆବେଦନ କରିପାରିବେ ନାହିଁ ବୋଲି ସରକାର ପକ୍ଷରୁ ସ୍ପଷ୍ଟ କରାଯାଇଛି।

PPP ମୋଡ୍‌ ଓ ଟେଣ୍ଡର ମାଧ୍ୟମରେ ଘର ନିର୍ମାଣ

ଘର ତିଆରି ପାଇଁ ପିପିପି ମୋଡ୍ (Public Private Partnership) ଅନୁସାରେ ନିଷ୍ପତ୍ତି ନିଆଯାଇଛି। ଏପାଇଁ ଶୀଘ୍ର ଟେଣ୍ଡର ମୁକ୍ତ କରାଯିବ ବୋଲି ଜଣାପଡ଼ିଛି।

ଉପକଣ୍ଠ ଅଞ୍ଚଳରେ ଘର ବିକାଶ

ଘର ଗୁଡିକୁ ଭୁବନେଶ୍ୱର ଉପକଣ୍ଠ ଅଞ୍ଚଳ ମଧ୍ୟରେ ତିଆରି କରାଯିବ। ପ୍ରଥମ ପର୍ଯ୍ୟାୟରେ ମହାନଗର ଅଞ୍ଚଳରେ ଯୋଜନା ଆରମ୍ଭ ହେବ।

ସହର ବିକାଶ ଓ ଯୋଗାଯୋଗ ସୁବିଧା

ସରକାର ସହରକୁ ବିସ୍ତାର କରି ଯାତାୟାତ ସୁବିଧା, ମୂଳ ଢାଞ୍ଚା ଓ ନୂଆ ଘର ବ୍ୟବସ୍ଥା କୁ ସମନ୍ୱୟ କରିବା ଉଦ୍ଦେଶ୍ୟ ରଖିଛି।