କଲ୍ୟାଣସିଂହପୁର (ରାୟଗଡା): ଅଲ୍ ଓଡ଼ିଶା ଅଙ୍ଗନୱାଡ଼ି ଲେଡିଜ୍ ୱାର୍କର୍ସ ଆସୋସିଏସନର ବୈଠକ ଗତ ଦିନିଅ ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ସଦର ସ୍ଥିତ ଗୁଣ୍ଡିଚା ମନ୍ଦିର ପ୍ରାଙ୍ଗଣରେ ଅନୁଷ୍ଠିତ ହୋଇଯାଇଛି। ଏହି ବୈଠକ ଭାରତୀୟ ମଜଦୁର ସଂଘ ର ଅଧୀନରେ ଆୟୋଜିତ ହୋଇଥିଲା, ଯାହାକୁ ଜିଲ୍ଲା ସଭାନେତ୍ରୀ ଜୟନ୍ତୀ ପଦ୍ମାଳୟା ସାହୁ ଓ ସମ୍ପାଦିକା ଉଷା ରାଣୀ ଦାଶ ନେତୃତ୍ୱ ଦେଇଥିଲେ।
ଏହି ବୈଠକରେ ମୁଖ୍ୟ ଅତିଥି ଭାବରେ ଉପସ୍ଥିତ ଥିଲେ ଭାରତୀୟ ମଜଦୁର ସଂଘର ରାଜ୍ୟ ଉପସଭାପତି ଯୋଗେଶ୍ୱର ଦାସ। ସେ ଅଙ୍ଗନୱାଡ଼ି କର୍ମୀ ଓ ସହାୟିକାମାନଙ୍କ ଦ୍ୱାରା ଶିଶୁ ଓ ମା ମୃତ୍ୟୁ ହାର କମେଇବା ଓ ସରକାରୀ ଯୋଜନାକୁ ସଫଳ କରିବାରେ ଭୂମିକାକୁ ଉଲ୍ଲେଖ କରି, ତାଙ୍କର ଦୀର୍ଘଦିନର ଦାବି ଓ ସମସ୍ୟାକୁ ନେଇ ଆଲୋଚନା କରିଥିଲେ।
ଅଙ୍ଗନୱାଡ଼ି କର୍ମୀମାନେ ଯେଉଁ ସମସ୍ତ ସୁବିଧାର ଅଭାବରେ କାର୍ଯ୍ୟ କରୁଛନ୍ତି, ତାହା ସମାଧାନ ପାଇଁ ଜିଲ୍ଲା ପ୍ରଶାସନ ସହ ସଂଳଗ୍ନ ହୋଇ ବାର୍ତ୍ତାଳାପ କରିବା ଦ୍ୱାରା ପାଇଁ ବିଚାର ହୋଇଥିଲା। ଏହି ସହିତ, ତାଙ୍କୁ ଲାଗିଥିବା ଅନ୍ୟାୟ ଓ ଅବହେଳାକୁ ବି ଭାବିଷ୍ୟତରେ ଆନ୍ଦୋଳନ ରାସ୍ତାରେ ନେବା ଚେତାବନୀ ଦେଇଥିଲେ ଯୋଗେଶ୍ୱର ଦାସ।
ବୈଠକରେ ନୂତନ କର୍ମ କର୍ତ୍ତାମାନଙ୍କ ନିଯୁକ୍ତି ହୋଇଥିଲା:
- ସଭାନେତ୍ରୀ: ହେମଲତା ମହାପାତ୍ର
- ଉପସଭାନେତ୍ରୀ: ମଣ୍ଡଳ ସାରି, ପବିତ୍ରା ରଞ୍ଜନି ପଣ୍ଡା
- ସମ୍ପାଦିକା: ବୃନ୍ଦାବତୀ ବେହେରା
- ସହସମ୍ପାଦିକା: ମଞ୍ଜୁଲତା ମହାପାତ୍ର
- ସଂଗଠନ ସମ୍ପାଦିକା: ଏ. ମାଧୁରୀ
- କୋଷାଧ୍ୟକ୍ଷ: ପଦ୍ମାବତୀ ନାୟକ
ଏହି ବୈଠକକୁ ରୀତା ରଞ୍ଜନି ପଣ୍ଡା, ମଞ୍ଜୁଳା ଉଲାକା, ଲିସା କର୍ସିକା ପରିଚାଳନା କରିଥିଲେ। ବ୍ଲକର ସମସ୍ତ ଅଙ୍ଗନୱାଡି କର୍ମୀ ଓ ସହାୟିକାମାନେ ବୈଠକରେ ସକ୍ରିୟ ଭାବେ ଯୋଗ ଦେଇଥିଲେ।