ଭୁବନେଶ୍ୱର: ପଞ୍ଚାୟତି ରାଜ ବ୍ୟବସ୍ଥା ଉପରେ ନିର୍ବାଚନ ପରେ ବିଜେପି ସରକାର ଓ ତାଙ୍କ ସମର୍ଥିତ ଗୋଷ୍ଠୀ ଦ୍ୱାରା ଲାଗିଥିବା ଅନାସ୍ଥା ଓ ଧମକ ନେଇ ବିଜେଡି ପକ୍ଷରୁ ତୀବ୍ର ପ୍ରତିକ୍ରିୟା ମିଳିଛି । ଶଙ୍ଖ ଭବନରେ ଆୟୋଜିତ ସାମ୍ବାଦିକ ସମ୍ମିଳନୀରେ ବିଜେଡି ବରିଷ୍ଠ ସାଧାରଣ ସମ୍ପାଦକ ଲେଖାଶ୍ରୀ ସାମନ୍ତସିଂହାର କହିଛନ୍ତି, “ପଞ୍ଚାୟତି ରାଜ ବ୍ୟବସ୍ଥାକୁ ଧ୍ଵଂସ କରିବା ଚେଷ୍ଟା ଚାଲିଛି । PRI ସଦସ୍ୟଙ୍କୁ ଧମକ ଦେଇ ନିଜସ୍ୱ ଲୋକଙ୍କୁ ଅଧ୍ୟକ୍ଷ କରିବା ପାଈଁ ଚେଷ୍ଟା ହେଉଛି ।”
ସେ ଅଭିଯୋଗ କରିଛନ୍ତି ଯେ ନିଶ୍ଚିନ୍ତକୋଇଲି ଏବଂ କୁକୁଡାଖଣ୍ଡି ଭଳି ଥଳରେ PRI ସଦସ୍ୟଙ୍କୁ ଧମକ ଦେଇ ଅନାସ୍ଥା ଆଣିବାକୁ ବାଧ୍ୟ କରାଯାଉଛି । ନିଶ୍ଚିନ୍ତକୋଇଲିରେ ଶାରଦା ପ୍ରଧାନଙ୍କ ସମର୍ଥିତ PRI ସଦସ୍ୟଙ୍କ ମାନେ ଅନାସ୍ଥା ଆଣିଥିଲେ, କିନ୍ତୁ ପରେ ସେମାନଙ୍କ ମଧ୍ୟରୁ ଗୋଟିଏ ଅସୁସ୍ଥ ହୋଇ ହସ୍ପିଟାଲରେ ଭର୍ତ୍ତି ହୋଇପାରିବା ଦାବି ହେଉଥିବା ବିଷୟରେ ସେ ପ୍ରଶ୍ନ ଉଠାଇଛନ୍ତି ।
ଲେଖାଶ୍ରୀ ଦାବି କରିଛନ୍ତି ଯେ ଏହା ସଂପୂର୍ଣ୍ଣ ଭୟ ଓ ଚାପର ପରିଣାମ । ନିର୍ବାଚନ ଅଧିକାରୀମାନେ ଅନ୍ୟାୟ ଭାବରେ ଛୁଟି ନେଇଥିଲେ, ଯାହା ନିର୍ବାଚନ ପ୍ରକ୍ରିୟାକୁ ପ୍ରଭାବିତ କରିଛି । ସେ ମେଡିକାଲ ବୋର୍ଡ ମାଧ୍ୟମରେ ତଦନ୍ତ ଓ ନିର୍ବାଚନ ଅଧିକାରୀଙ୍କ ଭୂମିକା ନେଇ ପ୍ରଶ୍ନ ଉଠାଇଛନ୍ତି ।
ସେଉଁଥିରେ କୁକୁଡାଖଣ୍ଡିର ଘଟଣାକୁ ଉଦାହରଣ ଦେଇ କହିଛନ୍ତି ଯେ ଏଠାରେ ତିନିଥର ତାରିଖ ପରିବର୍ତ୍ତନ ହୋଇଛି । ଏହା ଗଣତନ୍ତ୍ର ଉପରେ ଦୁଷ୍ପ୍ରଭାବ ପକାଇବା ଅଭିଯୋଗ କରି ବିଜେଡି ତଦନ୍ତ ଦାବି କରିଛି । ଆଉ କହିଛନ୍ତି, “ପୋଲିସ ଦୃଢ କାର୍ଯ୍ୟାନୁଷ୍ଠାନ ନେଉ, ଧମକ ଦେଇଥିବା ଲୋକଙ୍କୁ ଗିରଫ କରାଯାଉ, ଆଇଆରଆଇ ସଦସ୍ୟଙ୍କୁ ସୁରକ୍ଷା ଦିଆଯାଉ ।”