ନୁଆପଡ଼ା, 12.12: ନୁଆପଡ଼ା ଜିଲ୍ଲାର କୋମନା ବ୍ଲକ୍ ଅନ୍ତର୍ଗତ ସୁନାବେଡ଼ା ଅଭୟାରଣ୍ୟ ଭିତରେ ଥିବା ଢେକୁନପାଣି ସିଆର୍ପିଏଫ୍ କ୍ୟାମ୍ପରେ ଶୁକ୍ରବାର ଏକ ଦୁଃଖଦ ଓ ଅଭାବନୀୟ ଘଟଣା ଘଟିଛି। ଜଣେ ଯବାନ ନିଜ ସର୍ଭିସ ଏକେ-୪୭ ବନ୍ଧୁକରୁ ଗୁଳିକରି ଆତ୍ମହତ୍ୟା କରିଛନ୍ତି।
ମୃତ ଯବାନଙ୍କ ପରିଚୟ ହେଉଛି—
ଗୋପୀନାଥ ଶବର, ବୟସ୍କ ୨୧୬ ବାଟାଲିୟନର ସଦସ୍ୟ, ଖଡିଆଳ ଥାନା ଅନ୍ତର୍ଗତ ସାନମହେଶ୍ୱର ପଞ୍ଚାୟତର ଘରଧରା ଗାଁର ବସିନ୍ଦା।
ସୂଚନା ଅନୁସାରେ, ଶୁକ୍ରବାର ପୂର୍ବାହ୍ନ 11ଟା ସମୟରେ ସେ ହଠାତ୍ ନିଜ ବନ୍ଧୁକରୁ ଗୁଳି କରିଥିଲେ। ତୁର୍ନତ ସହଯୋଗୀ ଯବାନମାନେ ସ୍ଥଳକୁ ଧାଇଯାଇଥିଲେ, କିନ୍ତୁ ସେତେବେଳେ ପର୍ଯ୍ୟନ୍ତ ଗୋପୀନାଥଙ୍କ ମୃତ୍ୟୁ ଘଟିଥିଲା।
ଆତ୍ମହତ୍ୟାର କାରଣ ଅସ୍ପଷ୍ଟ
ଯବାନଙ୍କ ଆତ୍ମହତ୍ୟା ପଛରେ କାହାରୋ ପ୍ରେରଣା କିମ୍ବା ବ୍ୟକ୍ତିଗତ କାରଣ ରହିଛି କି—ତାହା ଏପର୍ଯ୍ୟନ୍ତ ସ୍ପଷ୍ଟ ନୁହେଁ।
ଖବର ପାଇ ପରେ ତାଙ୍କ ସ୍ତ୍ରୀ ଘଟଣାସ୍ଥଳକୁ ପହଞ୍ଚିଛନ୍ତି।
ପୋଲିସ ଓ ସିଆର୍ପିଏଫ୍ର ତଦନ୍ତ ଜାରି
ଘଟଣା ସମ୍ବନ୍ଧରେ ଉଚ୍ଚସ୍ତରୀୟ ପୋଲିସ ଅଧିକାରୀ ଘଟଣାସ୍ଥଳକୁ ପହଞ୍ଚି ସମଗ୍ର ପରିସ୍ଥିତି ପରୀକ୍ଷା କରୁଛନ୍ତି।
ଜିଲା ଆରକ୍ଷୀ ଅଧୀକ୍ଷକ ଅମ୍ରିତପାଲ ସିଂ କହିଛନ୍ତି—ତଦନ୍ତ ବହୁମୁଖୀ ଭାବରେ ଜାରି ରହିଛି ଏବଂ ଆବଶ୍ୟକ ସବୁ ପ୍ରମାଣ ସଂଗ୍ରହ କରାଯାଉଛି।
ମୃତଦେହ ବ୍ୟବଚ୍ଛେଦ ପାଇଁ ପଠାଯାଇଛି
ରାତି ହୋଇଯିବାରୁ ଶବଟିକୁ ଜିଲା ମୁଖ୍ୟ ଚିକିତ୍ସାଳୟକୁ ପଠାଯାଇଛି।
ଶନିବାର ବ୍ୟବଚ୍ଛେଦ ପରେ ମୃତଦେହ ପରିବାରକୁ ହସ୍ତାନ୍ତର କରାଯିବ।