ଭୁବନେଶ୍ୱର, ୨୪ ଅକ୍ଟୋବର: ବାତ୍ୟା ‘ମୋନ୍ଥା’ ଆସିବା ପୂର୍ବରୁ ଭୁବନେଶ୍ୱର ମୁନିସିପାଲ କର୍ପୋରେସନ୍ (ବିଏମସି) ପୂର୍ଣ୍ଣ ପ୍ରସ୍ତୁତି ନେଇଛି। ଭାରତୀୟ ଆବହା ଅଧିକାରୀ (IMD) ଖୋର୍ଦ୍ଧା ଜିଲ୍ଲାରେ ଅତିଭାରୀ ବର୍ଷା ଓ ପବନ ହେବାର ଆକଳନ କରିଛନ୍ତି। ଏହା ଫଳରେ ଜଳବନ୍ଦୀ, ବନ୍ୟା, ଗଛ ପଡିବା ଓ ବିଦ୍ୟୁତ ତାର ଛିଣ୍ଡିବା ଭଳି ଅସୁବିଧା ସୃଷ୍ଟି ହେବାର ଆଶଙ୍କା ରହିଛି।
ଏହି ପରିସ୍ଥିତି ଦୃଷ୍ଟିରେ ବିଏମସି ପକ୍ଷରୁ ୨୪ ଘଣ୍ଟିଆ କଣ୍ଟ୍ରୋଲ ରୁମ ଖୋଲାଯାଇଛି ଏବଂ ବିଭିନ୍ନ ବିଭାଗ ସହିତ ଆଲୋଚନା କରି ସ୍ୱତନ୍ତ୍ର ଟିମ ଗଠନ କରାଯାଇଛି। ବର୍ଷା ଓ ପବନ ପରେ ଯଦି କୌଣସି ଅଘଟଣ ଘଟେ, ତାହା ପରିଚ୍ଛନ୍ନତା ଏବଂ ଡ୍ରେନେଜ ସମସ୍ୟା ସମାଧାନ ପାଇଁ ତତ୍କ୍ଷଣାତ୍ ପଦକ୍ଷେପ ନିଆଯିବ।
ଜାରି ହେଲା ହେଲ୍ପଲାଇନ ନମ୍ବର ୧୯୨୯
ନାଗରିକମାନେ ଯେକୌଣସି ଜରୁରୀ ସ୍ଥିତି କିମ୍ବା ସମସ୍ୟା ପାଇଁ ହେଲ୍ପଲାଇନ ନମ୍ବର ୧୯୨୯ କୁ ଫୋନ କରି ସୂଚନା ଦେଇପାରିବେ। ବିଏମସି କର୍ମଚାରୀମାନେ ୩ଟି ସିପ୍ଟରେ କାମ କରି ସମସ୍ୟା ସମାଧାନ ପାଇଁ ଚେଷ୍ଟାରତ ରହିବେ।
ଭୁବନେଶ୍ୱରରେ ବାତ୍ୟାର ପ୍ରଥମ ପ୍ରଭାବ:
ଶହରରେ ଏହି ସକାଳରୁ ହାଲୁକା ବର୍ଷା ଓ ପବନ ଆରମ୍ଭ ହୋଇଛି। ଖରା-ବର୍ଷାର ଲୁଚେଇଖେଳ ମଧ୍ୟରେ ପ୍ରାୟ ୧୫-୨୦ ମିନିଟ ଧରି ଝରିଥିବା ବର୍ଷାରେ ରାଜଧାନୀର ରାସ୍ତା ଭିଜିଯାଇଛି। ଅପେକ୍ଷିତ ନଥିବା ଏହି ବର୍ଷା ଫଳରେ ଅନେକ ଲୋକ ହଇରାଣ ହୋଇପଡିଛନ୍ତି।
ବିଏମସି ପକ୍ଷରୁ ନାଗରିକମାନଙ୍କୁ ସତର୍କ ରହିବା ଓ ଅପେକ୍ଷାକୃତ ସ୍ଥିତିରେ ହେଲ୍ପଲାଇନ ମାଧ୍ୟମରେ ସହଯୋଗ ନିବେଦନ କରିବାକୁ ଅନୁରୋଧ ଜଣାଯାଇଛି।