ପୁରୀ, ୨୭ ଜୁନ: ଶ୍ରୀମନ୍ଦିର ନଗରୀ ପୁରୀର ବଡ଼ଦାଣ୍ଡରେ ଆଜି ରଥଟଣା ଅନୁଷ୍ଠାନରେ ଅପେକ୍ଷିତ ବିଳମ୍ବ ଦେଖିବାକୁ ମିଳିଲା। ଏଥିରେ ମହାପ୍ରଭୁ ଜଗନ୍ନାଥଙ୍କ ନନ୍ଦିଘୋଷ ରଥ ରାତି ୭:୪୫ ବେଳେ ଟଣାଗଲା ବେଳେ, ଏହା ଅଳ୍ପ ଦୂରୀ ଗଡ଼ିବା ପରେ ଟଣା ବନ୍ଦ କରିଦିଆଯାଇଛି। ବର୍ତ୍ତମାନ ନନ୍ଦିଘୋଷ ରଥ ସିଂହଦ୍ବାର ସମ୍ମୁଖରେ ଅଟକି ରହିଛି।
ଏହି ବିଳମ୍ବ ନେଇ ଆଇନ ମନ୍ତ୍ରୀ ପୃଥ୍ବୀରାଜ ହରିଚନ୍ଦନ ସ୍ପଷ୍ଟ କରିଛନ୍ତି ଯେ, ନୀତିକାନ୍ତି ନିର୍ଦ୍ଧାରିତ ସମୟରେ ଶେଷ ହୋଇଥିଲା ବେଳେ ମଧ୍ୟ ବଳଭଦ୍ରଙ୍କ ତାଳଧ୍ୱଜ ରଥ ମୋଡ଼ ନେବାରେ ଅଧିକ ସମୟ ଲାଗିଥିଲା। ଏଥିପାଇଁ ଟଣା ପ୍ରକ୍ରିୟା ଦେରିରେ ଆରମ୍ଭ ହେଲା। ଏହା ସହିତ ଅନୁକୂଳ ପାଗ ଓ ବେସି ଭକ୍ତଙ୍କ ଉପସ୍ଥିତି ମଧ୍ୟ ଏହି ବିଳମ୍ବର ମୁଖ୍ୟ କାରଣ ବୋଲି ସେ କହିଛନ୍ତି।
ମନ୍ତ୍ରୀ ଅଧିକ କହିଛନ୍ତି ଯେ, କର୍ଡନ୍ ଭିତରେ ଅଧିକ ଲୋକ ପ୍ରବେଶ କରିଥିବା ଦୃଶ୍ୟ ମଧ୍ୟ ଚାଲିତବର୍ଷ ଦେଖାଯାଇଛି। ଏହି ଅବସ୍ଥା ନେଇ ଶ୍ରୀମନ୍ଦିର ପ୍ରଶାସନ ମୁଖ୍ୟମନ୍ତ୍ରୀଙ୍କୁ ଅବଗତ କରାଇଥିଲେ।
ଶ୍ରୀମନ୍ଦିର ମୁଖ୍ୟ ପ୍ରଶାସକ ଅରବିନ୍ଦ ପାଢ଼ୀ ଜଣାଇଛନ୍ତି ଯେ, ଆସନ୍ତାକାଲି ଅର୍ଥାତ୍ ସୋମବାର ସକାଳ ୯:୩୦ ରେ ରଥଟଣା ପୁଣି ଆରମ୍ଭ ହେବ। ବଳଗଣ୍ଡି ଛକରେ ବଳଭଦ୍ରଙ୍କ ତାଳଧ୍ୱଜ ରଥ ଓ ମରିଚିକୋଟ ନିକଟରେ ମାଆ ସୁଭଦ୍ରାଙ୍କ ଦର୍ପଦଳନ ରଥ ବର୍ତ୍ତମାନ ଅଟକି ରହିଛି।