୨୫ ବର୍ଷରେ ଇନ୍ଦ୍ରାବତୀ ପ୍ରକଳ୍ପ: ୧.୧୮ ଲକ୍ଷ ହେକ୍ଟର ଜମିକୁ ଜଳସେଚନ, ୩୫୯୭.୨୫ କୋଟି ଟଙ୍କା ବିଦ୍ୟୁତ୍ ବିକ୍ରି
ଭବାନୀପାଟଣା : କଳାହାଣ୍ଡି ଜିଲାର ଗର୍ବ ଇନ୍ଦ୍ରାବତୀ ପ୍ରକଳ୍ପ ଏବେ ୨୫ ବର୍ଷ ପୂରଣ କରିଛି। ଏହି ମହାତ୍ତ୍ୱାମ୍ବିତ୍ଥ ପ୍ରକଳ୍ପ ମାଧ୍ୟମରେ ବର୍ତ୍ତମାନ ୧.୧୮ ଲକ୍ଷ ହେକ୍ଟର ଜମିକୁ ଜଳସେଚନ ସୁବିଧା ମିଳୁଛି, ଏବଂ ଦୁଇଫସଲି ଚାଷ ସମ୍ଭବ ହୋଇପାରୁଛି। ଏହା ସହିତ ୬୦୦ ମେଗାୱାଟ କ୍ଷମତା ବିଦ୍ୟୁତ୍ ଉତ୍ପାଦନ ହୋଇ ଏପର୍ଯ୍ୟନ୍ତ ୩୫୯୭.୨୫ କୋଟି ଟଙ୍କାର ବିଦ୍ୟୁତ୍ ବିକ୍ରି କରି ରାଜ୍ୟର ଅର୍ଥନୀତିରେ ଗୁରୁତ୍ୱପୂର୍ଣ୍ଣ ଭୂମିକା ନିବାହ କରିଛି।
ଏହି ପ୍ରକଳ୍ପର ଭିତ୍ତିପ୍ରସ୍ତର ୧୯୭୮ ମସିହାରେ ତତ୍କାଳୀନ ପ୍ରଧାନମନ୍ତ୍ରୀ ମୋରାର୍ଜୀ ଦେଶାଇଙ୍କ ଦ୍ୱାରା ରଖାଯାଇଥିଲା। ଇନ୍ଦ୍ରାବତୀ, କପୁର, ମୂରାନ ଓ ପୋଡ଼ାଗଡ ନଦୀମାନଙ୍କ ଜଳ ଜମା କରି ୧୧୦ ବର୍ଗ କି.ମି. ଜଳଭଣ୍ଡାର ସୃଷ୍ଟି ହୋଇଥିଲା। ପାହାଡ଼ ଭେଦି ୪ କି.ମି. ଲମ୍ବା ଟନେଲ୍ ମାଧ୍ୟମରେ ଉଦୟଗିରିରୁ ମୁଖିଗୁଡ଼ା ଶକ୍ତି ଘର ପର୍ଯ୍ୟନ୍ତ ଜଳ ଆଣି ବିଦ୍ୟୁତ୍ ଉତ୍ପାଦନ ହୋଇଥିଲା।
୧୯୯୯ରେ ପ୍ରଥମ ଯୁନିଟ କାର୍ଯ୍ୟକ୍ଷମ ହୋଇ ବାମ କେନାଲରେ ଜଳସେଚନ ଆରମ୍ଭ ହେଉଥିଲା, ଓ ୨୦୦୧ରେ ଚାରିଟି ଯୁନିଟ ଚାଲୁ ହୋଇ ସମ୍ପୂର୍ଣ୍ଣ ୬୦୦ ମେ.ୱା. କ୍ଷମତା ବିକାଶ ପାଇଥିଲା। ମଙ୍ଗଳପୁର ହାତୀ ବ୍ୟାରେଜ ଓ ବାମ, ଦକ୍ଷିଣ, ମେଗା ଉଠା କେନାଲ ମାଧ୍ୟମରେ ୮ଟି ବ୍ଲକରେ ଜଳସେଚନ ହେଉଛି।
ବିଦ୍ୟୁତ୍ ଉତ୍ପାଦନ ଓ ଆୟ ପ୍ରସଙ୍ଗରେ, ୧୯୯୯-୨୦୦୦ ମସିହାରେ ୪୯୦.୩୮ ମିଲିୟନ ୟୁନିଟ ବିଦ୍ୟୁତ୍ ଉତ୍ପାଦନ ହୋଇ ୪୫.୯୫ କୋଟି ଟଙ୍କା ରାଜସ୍ୱ ମିଳିଥିଲା। ୨୦୦୭-୦୮ ମସିହାରେ ସର୍ବାଧିକ ୩୦୧୯ ମିଲିୟନ ୟୁନିଟ ବିଦ୍ୟୁତ୍ ଉତ୍ପାଦନ ହୋଇ ୧୮୨.୬୭ କୋଟି ଆୟ ହୋଇଥିଲା, ବେଳେ ୨୦୦୩-୦୪ରେ ସର୍ବନିମ୍ନ ୮୦୭.୦୭ ମିଲିୟନ ୟୁନିଟ ଉତ୍ପାଦନ ହୋଇ ୫୦.୪୦ କୋଟି ଟଙ୍କା ରାଜସ୍ୱ ଆଦାୟ ହୋଇଥିଲା।
ସାଧାରଣ ମଧ୍ୟରୁ ଏହି ପ୍ରକଳ୍ପର ସ୍ଥାୟୀ ରକ୍ଷାଣାବେକ୍ଷଣ ପାଇଁ ସରକାର ଗମ୍ଭୀର ଉଦ୍ୟୋଗ ନେବା ଦାବି ବଢ଼ିଛି।