ଭୁବନେଶ୍ୱର: ଓଡ଼ିଶାରେ ଇନ୍ସପେକ୍ଟର ଓ ସବ-ଇନ୍ସପେକ୍ଟର (ଏସଆଇ)ଙ୍କୁ ବଡ଼ କ୍ଷମତା ପ୍ରଦାନ କରାଯାଇଛି। ଏବେ ସେମାନେ ଅନୁସୂଚିତ ଜାତି ଏବଂ ଜନଜାତି (ଅତ୍ୟାଚାର ନିବାରଣ) ଆଇନ, ୧୯୮୯ ଅନୁଯାୟୀ ମାମଲାର ତଦନ୍ତ, ଗିରଫ ଓ ଅଦାଲତରେ ମାମଲା ଦାଖଲ କରିପାରିବେ।
ପୂର୍ବରୁ ଏହି କ୍ଷମତା କେବଳ ଡେପୁଟି ସୁପରିଣ୍ଟେଣ୍ଡେଣ୍ଟ ଅଫ ପୋଲିସ (ଡିଏସପି) ଓ ତା’ଠାରୁ ଉପର ସ୍ତରର ଅଧିକାରୀମାନଙ୍କୁ ମାତ୍ର ଦିଆଯାଇଥିଲା। କିନ୍ତୁ ଗୃହ ବିଭାଗ ୩୦ ଅଗଷ୍ଟ ୨୦୨୫ ରେ ଜାରି କରାଥିବା ବିଜ୍ଞପ୍ତି (ନଂ. HOME CPM-MISC-0154-2025) ଅନୁଯାୟୀ, ଏବେ ଇନ୍ସପେକ୍ଟର ଓ ଏସଆଇମାନେ ନିଜ କ୍ଷେତ୍ରାଧିକାର ଭିତରେ ସ୍ୱତନ୍ତ୍ର କୋର୍ଟ ସମ୍ମୁଖରେ ମାମଲା ରୁଜୁ କରିପାରିବେ।
ଗୃହ ବିଭାଗ ପକ୍ଷରୁ ସୂଚିତ କରାଯାଇଛି, ଏହି ପଦକ୍ଷେପର ଲକ୍ଷ୍ୟ SC/STଙ୍କ ବିରୁଦ୍ଧରେ ଅତ୍ୟାଚାର ମାମଲାରେ ଦ୍ରୁତ ଓ ପ୍ରତିକ୍ରିୟାଶୀଳ କାର୍ଯ୍ୟାନୁଷ୍ଠାନ କରିବା।