ଭଞ୍ଜନଗର, ୭ ଅଗଷ୍ଟ: ଆଗାମୀ ଦଶବର୍ଷ ପାଇଁ ଜଙ୍ଗଲ ସୁରକ୍ଷା ନିମିତ୍ତେ ନୂତନ ଯୋଜନା ପ୍ରସ୍ତୁତ କରିବା ଉଦ୍ଦେଶ୍ୟରେ ଘୁମୁସର ଉତ୍ତର ବନଖଣ୍ଡର ଜଙ୍ଗଲ ବିଭାଗ କର୍ମଚାରୀମାନେ ତାଲିମ ନେଇଛନ୍ତି। ବନଖଣ୍ଡର ୱାର୍କିଂ ପ୍ଲାନ ୨୦୨୪-୨୫ ମସିହାରେ ସମାପ୍ତ ହୋଇଥିବାରୁ, ଏହି ତାଲିମ ମାଧ୍ୟମରେ ଅଗାମୀ ୧୦ ବର୍ଷ ପାଇଁ କାର୍ଯ୍ୟନିଷ୍ପାଦନ ଯୋଜନା ତିଆରି କରାଯିବ।
ଏହି ତାଲିମ ପରେ କର୍ମଚାରୀମାନେ ଜଙ୍ଗଲ ଅଞ୍ଚଳରେ ଯାଇ ସ୍ଥଳସମୀକ୍ଷା କରି ରିପୋର୍ଟ ତିଆରି କରିବେ ଓ ଏହି ରିପୋର୍ଟ ନଭେମ୍ବର ୧୫ ରୁ ପূର୍ବରୁ ସରକାରଙ୍କୁ ଦିଆଯିବ। ଏହା ପରେ ସରକାର ଦ୍ୱାରା ଅନୁଗୃହୀତ ପଦକ୍ଷେପ ଗ୍ରହଣ କରାଯିବ।
ଉଦ୍ଘାଟନ ଅବସରରେ ଡିଏଫଓ ହିମାଂଶୁ ଶେଖର ମହାନ୍ତି ସଂଗଠନର ମୁଖ୍ୟ ଅତିଥି ଭାବେ ଯୋଗଦେଇ ବନସମୀକ୍ଷା ଓ ଯୋଜନା ପ୍ରସ୍ତୁତି ବିଷୟରେ ତଥ୍ୟ ଦେଇଛନ୍ତି। ଯୋଜନାରେ ନୂତନ ବନୀକରଣ, ବାଉଁଶ ଓ ରଥ କାଠ ବୃଦ୍ଧି, ଇକୋ ଟୁରିଜିମ ବିକାଶ, ପୁରୁଣା କାଠ କାଟିବା ଓ ବନ୍ୟପ୍ରାଣୀ ସୁରକ୍ଷା ଭଳି ବିଭିନ୍ନ ବିଷୟ ଅନ୍ତର୍ଭୁକ୍ତ ରହିଛି।
ଅନ୍ୟ ଉପସ୍ଥିତ ଅତିଥିମାନଙ୍କ ମଧ୍ୟରେ ଅବସରପ୍ରାପ୍ତ ଡିଏଫଓ ଭୀମସେନ ମହାରଣା, ଏସିଏଫ ଡି ରଶ୍ମି ରଞ୍ଜନ ସ୍ୱାଇଁ, ବିବେକ କୁମାର ଦାସ, ପ୍ରବୋଧ ଚନ୍ଦ୍ର ନାୟକ, ଶୂଳପାଣି ଶତପଥୀ, ସନ୍ତୋଷିନୀ ଭଉଣୀ, ବିମ୍ବାଧର ସାହୁ ଓ ପୃଥିବୀରାଜ ପ୍ରଧାନ ଅନ୍ୟମାନଙ୍କ ସହ ବକ୍ତବ୍ୟ ରଖିଛନ୍ତି।