ମାଲକାନଗିରି: ଓଡ଼ିଶା-ଛତିଶଗଡ଼ ସୀମାରେ ସୁରକ୍ଷା ବାହିନୀଙ୍କୁ ବଡ଼ ସଫଳତା ମିଳିଛି। ଛତିଶଗଡ଼ର ଗରିଆବନ୍ଧ ଜିଲ୍ଲାର ମେନପୁର ଥାନା ଅଧୀନସ୍ଥ କୁଲହାଡ଼ିଘାଟ ଜଙ୍ଗଲରେ ଅଭିଯାନ କାଳୀନ ସମୟରେ ବିପୁଳ ପରିମାଣର ମାଓ ସାମଗ୍ରୀ ଜବତ କରାଯାଇଛି।
ସିଆରପିଏଫ ୬୫ ବାଟାଲିୟନର ସୂଚନା ଅନୁସାରେ, ଜବତ ସାମଗ୍ରୀ ମଧ୍ୟରେ ସିଲାଇ ମେସିନ, ପିଟୁ ବ୍ୟାଗ୍, ଜୋତା, ଦରି, ଔଷଧ ସାମଗ୍ରୀ ଏବଂ ବିଭିନ୍ନ ଖାଦ୍ୟ ପଦାର୍ଥ ରହିଛି।
ବିଶେଷ ସୂଚନା ପାଇବା ପରେ, ସିଆରପିଏଫ ଯବାନମାନେ ନୂଆପଡ଼ା ଜିଲ୍ଲା ସୀମାର କୁଲହାଡ଼ିଘାଟ ଏବଂ ବିନ୍ଦ୍ରାନବାଗଡ଼ ଅଞ୍ଚଳରେ ଏରିଆ ଡୋମିନେସନ ଅପରେସନ କରିଥିଲେ। ଅଭିଯାନ ସମୟରେ ମାଓବାଦୀମାନଙ୍କ ଦ୍ୱାରା ଲୁଚାଇ ରଖାଯାଇଥିବା ଏହି ସାମଗ୍ରୀ ଉଦ୍ଭାବିତ ହେବା ପରେ, ଯବାନମାନେ ସେଗୁଡିକୁ ସ୍ଥଳରେ ପୋଡ଼ି ନଷ୍ଟ କରିଦେଇଥିଲେ।