“ମୁଁ ଟ୍ରମ୍ପଙ୍କ ନିମନ୍ତ୍ରଣ ଟାଳି ଓଡ଼ିଶା ଆସିଲି – ମହାପ୍ରଭୁଙ୍କ ମାଟି ମୋତେ ଟାଣି ଆଣିଲା” – ପ୍ରଧାନମନ୍ତ୍ରୀ
ଭୁବନେଶ୍ୱର: ଓଡ଼ିଶାରେ ବିଜେପି ସରକାରର ବର୍ଷପୂର୍ତ୍ତି ଅବସରରେ ଭୁବନେଶ୍ୱରର ଜନତା ମଇଦାନରେ ଆୟୋଜିତ ବିଶାଳ ସଭାରେ ଭାଷଣ ଦେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମହାପ୍ରଭୁ ଜଗନ୍ନାଥ ପ୍ରତି ତାଙ୍କର ଭକ୍ତି ଓ ଓଡ଼ିଆ ଜନତା ପ୍ରତି ଭଲପାଇବା ବ୍ୟକ୍ତ କରିଛନ୍ତି।
ମୋଦୀ କହିଛନ୍ତି, “ମୁଁ ଗତଦିନି କାନାଡାରେ ଜି-୭ ସମ୍ମିଳନୀକୁ ଯାଇଥିଲି। ଏଥିରେ ଯିବା ବେଳେ ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ମୋତେ ଓୱାସିଂଟନ ଯିବା ପାଇଁ ନିମନ୍ତ୍ରଣ ଦେଇଥିଲେ। ମୁଁ ତାଙ୍କୁ କହିଲି – ଧନ୍ୟବାଦ, କିନ୍ତୁ ମୋତେ ମହାପ୍ରଭୁଙ୍କ ମାଟିକୁ ଯିବା ଅଛି। ଓଡ଼ିଶା ଆସି ମୁଁ ତାଙ୍କ ଆଶୀର୍ବାଦ ନେବି।”
ସଭାସ୍ଥଳ ଉପସ୍ଥିତ ଲୋକେ ମୋଦୀଙ୍କର ଏହି ଉଦ୍ବୋଧନ ସ୍ରବଣ କରି ‘ଜୟ ଜଗନ୍ନାଥ’ ଧ୍ବନିରେ ଗଞ୍ଜାଇ ଉଠିଲେ। ପ୍ରଧାନମନ୍ତ୍ରୀ କହିଛନ୍ତି, “ଏହା ଏକ ଦିବ୍ୟ ସଂଯୋଗ ଯେଉଁଠି ଶ୍ରୀମନ୍ଦିର ରଥଯାତ୍ରାର ପ୍ରସ୍ତୁତି ଚାଲିଛି ଓ ବିଜେପି ସରକାର ବର୍ଷ ପୂରଣ କରୁଛି। ମହାପ୍ରଭୁ ଆମ ପାଇଁ ପ୍ରେରଣା ଓ ଆସ୍ଥାର ପ୍ରତିକ।”
ମୋଦୀଙ୍କ ମୁଖ୍ୟ ଉକ୍ତିଗୁଡ଼ିକ:
- ଶ୍ରୀମନ୍ଦିରର ୪ ଦ୍ୱାର ଖୋଲିବା ସରକାରଙ୍କ ଦୃଢ଼ ଇଚ୍ଛାଶକ୍ତିର ପରିଣାମ
- ରତ୍ନଭଣ୍ଡାର ଖୋଲିବା କୌଣସି ରାଜନୈତିକ ଅଞ୍ଚଳ ନୁହେଁ, ଏହା କୋଟି କୋଟି ଭକ୍ତଙ୍କ ଆସ୍ଥା ପ୍ରତି ସମ୍ମାନ
- ଶ୍ରୀ ଜଗନ୍ନାଥ ମନ୍ଦିର ସହ ଜଡିତ ଅନେକ ସମସ୍ୟାର ସମାଧାନ ମିଳିଛି
କଂଗ୍ରେସକୁ ନିଶାନା:
ମୋଦୀ ତୀବ୍ର କଟାକ୍ଷ କରି କହିଛନ୍ତି, “ସ୍ଵାଧୀନତା ପରେ ଦଶକ ଦଶକ ଧରି କଂଗ୍ରେସ ବିକାଶ ନାମରେ ଜନତାଙ୍କୁ ଭ୍ରମିତ କଲା। ତାଙ୍କ ବିକାଶ ମଡେଲରେ ନ ସୁଶାସନ ଥିଲା, ନ ଜନସାଧାରଣ ପାଇଁ ସୁବିଧା। ବିଜେପି ଆସି ପରେ ଅନେକ ରାଜ୍ୟରେ ନିଜର ସରକାର ଗଠନ କରି, ସାମାଜିକ ଓ ଆର୍ଥିକ ଅଗ୍ରଗତି ଘଟାଇଛି।”