ଭୁବନେଶ୍ୱର: ରାଜ୍ୟରେ ବିଜେପି ସରକାରଙ୍କ ବର୍ଷ ପୂର୍ତ୍ତି ଅବସରରେ ଆସନ୍ତା ୧୨ ତାରିଖରେ ଅନ୍ତ୍ୟୋଦୟ ଯୋଜନା ଅନୁସାରେ ପ୍ରାୟ ୬୮ ହଜାର ହିତାଧିକାରୀଙ୍କୁ ନୂଆ ପକ୍କା ଘର ମିଳିବ। ପ୍ରତ୍ୟେକ ପଞ୍ଚାୟତରୁ ୧୦ ଜଣ ହିତାଧିକାରୀ ବାଛିତ ହେବେ ବୋଲି ସରକାର ଘୋଷଣା କରିଛି। ଏହାପାଇଁ ବିଡ଼ିଓ ମାନଙ୍କୁ ୫ ଦିନ ମଧ୍ୟରେ ହିତାଧିକାରୀ ତାଲିକା ଦେବା ନିର୍ଦ୍ଦେଶ ମିଳିଛି।
ପଞ୍ଚାୟତିରାଜ ମନ୍ତ୍ରୀ ରବି ନାରାୟଣ ନାଏକ ଜଣାଇଛନ୍ତି ଯେ ଏହି ଯୋଜନାରେ ଘର ପ୍ରତିଟି ପାଇଁ ସରକାର ଦେଉଛି ୧ ଲକ୍ଷ ୨୦ ହଜାର ଟଙ୍କା। ଏହା ସହିତ ଏପର୍ଯ୍ୟନ୍ତ ଅନ୍ତ୍ୟୋଦୟ ଗୃହ ଯୋଜନାରେ ୫୯,୮୦୦ ହିତାଧିକାରୀ ପକ୍କା ଘର ପାଇଛନ୍ତି ବୋଲି ସେ କହିଛନ୍ତି।
ଏହି ଘୋଷଣାକୁ ନେଇ ବିରୋଧୀ ଦଳ ଆପତ୍ତି ଜଣାଇଛି। ବିଜେଡି ବିଧାୟିକା ପ୍ରମୀଳା ମଲ୍ଲିକ ଅଭିଯୋଗ କରିଛନ୍ତି ଯେ ନବୀନ ବାବୁଙ୍କ ଦ୍ୱାରା ଆରମ୍ଭ ହୋଇଥିବା ଯୋଜନାକୁ ବିଜେପି ସରକାର କେବଳ ରଙ୍ଗ ବଦଳି କରି ଦେଖାଉଛନ୍ତି। କଂଗ୍ରେସ ବିଧାୟକ ଦଳ ନେତା ରାମଚନ୍ଦ୍ର କାଡ଼ାମ କହିଛନ୍ତି ଯେ ବିଜେପି ସରକାର ଏକ ବର୍ଷ ଧରି ଗ୍ରାମୀଣ ସ୍ତରରେ କୌଣସି ଦୃଶ୍ୟମାନ କାର୍ଯ୍ୟ କରିପାରିନାହାନ୍ତି।
ଅନ୍ୟପଟେ, ପ୍ରଧାନମନ୍ତ୍ରୀ ଆବାସ ଯୋଜନା ଅନ୍ତର୍ଗତ ୩୭ ଲକ୍ଷ ୮୮ ହଜାରରୁ ଅଧିକ ହିତାଧିକାରୀ ଆବେଦନ କରିଛନ୍ତି। ଏହି ଆବେଦନକାରୀଙ୍କ ସର୍ଭେ ଅଗାମୀ ମାସ ମଧ୍ୟରେ ସମ୍ପୂର୍ଣ୍ଣ ହେବା ସମ୍ଭାବନା ଅଛି, ଯାହା ପରେ ତାଲିକା କେନ୍ଦ୍ର ସରକାରଙ୍କୁ ପଠାଯିବ।