ଲୋକପ୍ରିୟ ସଙ୍ଗୀତ ନିର୍ଦ୍ଦେଶକ ଅଭିଜିତ ମଜୁମଦାରଙ୍କ ସ୍ବାସ୍ଥ୍ୟାବସ୍ଥା ଗୁରୁତର, ଘରୋଇ ହସ୍ପିଟାଲରେ ଚିକିତ୍ସାଧୀନ

କଟକ: ଓଡ଼ିଆ ସଙ୍ଗୀତ ଜଗତର ପ୍ରସିଦ୍ଧ ସଙ୍ଗୀତ ନିର୍ଦ୍ଦେଶକ ଏବଂ କଣ୍ଠଶିଳ୍ପୀ ଅଭିଜିତ ମଜୁମଦାର ଅସୁସ୍ଥ ହୋଇ ଏବେ କଟକର ସିଡିଏ ସ୍ଥିତ ଏକ ଘରୋଇ ହସ୍ପିଟାଲରେ ଚିକିତ୍ସାଧୀନ। ସେ ଦୀର୍ଘଦିନ ଧରି ଲିଭର ସମସ୍ୟାରେ ପୀଡିତ ହୋଇ ଚିକିତ୍ସା ନେଉଥିଲେ।

ପାର୍ବଣ ଋତୁରେ ଗଣେଶ ପୂଜା ଏବଂ ଦଶହରାକୁ କେନ୍ଦ୍ର କରି ଅନେକ କାର୍ଯ୍ୟକ୍ରମ ପାଇଁ ସେ ବେଶ୍ ଉତ୍ସାହିତ ଥିଲେ। କିନ୍ତୁ, ଗତ ଗଣେଶ ପୂଜା ଦିନେ ହଠାତ୍ ସ୍ୱାସ୍ଥ୍ୟ ଅବନତି ହେବା ପରେ ପରିବାର ସେକୁ ଏକ ଘରୋଇ ହସ୍ପିଟାଲରେ ଭର୍ତ୍ତି କରିଥିଲା। ପ୍ରାୟ ଚାରିଦିନ ଚିକିତ୍ସା ପରେ ସ୍ୱାସ୍ଥ୍ୟାବସ୍ଥା ଆହୁରି ଖରାପ ହୋଇଯିବାରୁ ସେକୁ ଅନ୍ୟ ଏକ ହସ୍ପିଟାଲକୁ ସ୍ଥାନାନ୍ତରିତ କରାଯାଇଛି।

ପ୍ରାପ୍ତ ସୂଚନା ଅନୁସାରେ, ଶରୀରରେ ପୋଟାସିୟମ ହ୍ରାସ ପାଇଁ ଅଭିଜିତଙ୍କ ସ୍ବାସ୍ଥ୍ୟ ଗୁରୁତର ହୋଇଛି। ତାଙ୍କର ଅସୁସ୍ଥତାର ଖବର ସଙ୍ଗୀତ ଜଗତରେ ଚିନ୍ତାର ପରିବେଶ ସୃଷ୍ଟି କରିଛି।