ଭୁବନେଶ୍ୱର: ଦୀପାବଳି ପୂର୍ବରୁ ଓଡ଼ିଶା ସରକାର ରାଜ୍ୟର ଲକ୍ଷ ଲକ୍ଷ ସରକାରୀ କର୍ମଚାରୀ ଏବଂ ପେନସନଭୋଗୀଙ୍କ ପାଇଁ ଖୁସିର ଖବର ନେଇଆସିଛି। ମୁଖ୍ୟମନ୍ତ୍ରୀ ମୋହନ ମାଜିଙ୍କ ନେତୃତ୍ୱରେ ରାଜ୍ୟ ସରକାର ମହଙ୍ଗା ଭତ୍ତା (DA) ୩ ପ୍ରତିଶତ ବଢାଇବାକୁ ଘୋଷଣା କରିଛି।
ଏହି ନୂଆ ବୃଦ୍ଧି ସହ ଏବେ ସରକାରୀ କର୍ମଚାରୀମାନେ ୫୮ ପ୍ରତିଶତ ମହଙ୍ଗା ଭତ୍ତା ପାଇବେ, ଯାହା ପୂର୍ବରୁ ୫୫ ପ୍ରତିଶତ ଥିଲା। ସରକାରୀ ଆଦେଶ ଅନୁଯାୟୀ, ଏହି ବୃଦ୍ଧି ୨୦୨୫ ଜୁଲାଇ ୧ ଠାରୁ ପିଛିଲା ଭାବରେ ଲାଗୁ ହେବ।
ଏହି ବକେୟା ରାଶି ଚଳିତ ଅକ୍ଟୋବର ମାସର ଦରମା ସହ ନଗଦ ଆକାରରେ ଦିଆଯିବ। ଏହି ସିଦ୍ଧାନ୍ତରୁ ରାଜ୍ୟର ସରକାରୀ କର୍ମଚାରୀ ଏବଂ ପେନସନଭୋଗୀମାନେ ଦୀପାବଳି ପୂର୍ବରୁ ଆର୍ଥିକ ରାହତ ପାଇବେ।
ସରକାରୀ ସୂତ୍ର ଅନୁସାରେ, ଏହି ବୃଦ୍ଧି ଫଳରେ ରାଜ୍ୟ ଅର୍ଥକୋଷରେ ଅତିରିକ୍ତ ଭାର ପଡ଼ିବେ, କିନ୍ତୁ କର୍ମଚାରୀଙ୍କ ହିତ ଦୃଷ୍ଟିରୁ ସରକାର ଏହି ସିଦ୍ଧାନ୍ତ ନେଇଛି।
📄 ସାରକଥା:
- ମହଙ୍ଗା ଭତ୍ତା ୩% ବୃଦ୍ଧି
- ୫୫% ରୁ ବଢି ୫୮% ହେଲା DA
- ଜୁଲାଇ ୧, ୨୦୨୫ ଠାରୁ ପିଛିଲା ଭାବେ ଲାଗୁ
- ଅକ୍ଟୋବର ଦରମାରେ ମିଳିବ ବକେୟା ରାଶି