ଭୁବନେଶ୍ୱର: ଓଡ଼ିଶା ସରକାର ଅଂଶ ପ୍ଲଟ ପଞ୍ଜୀକରଣ ପ୍ରକ୍ରିୟାକୁ ଅଧିକ ସହଜ, ସ୍ୱଚ୍ଛ ଓ ଏକରୂପ କରିବା ପାଇଁ ନୂଆ ମାନକ ପ୍ରକ୍ରିୟା (SOP) ଜାରି କରିଛି। ରାଜସ୍ୱ ଓ ବିପର୍ଯ୍ୟୟ ପରିଚାଳନା ବିଭାଗ ତରଫରୁ ଜାରି ହୋଇଥିବା ଏହି ନିୟମ ପୂର୍ବତନ ସମସ୍ତ ନିୟମକୁ ବାତିଲ କରି ଜନସାଧାରଣଙ୍କ ସୁବିଧା ପାଇଁ ଲାଗୁ କରାଯାଇଛି।
ରାଜସ୍ୱ ମନ୍ତ୍ରୀ ସୁରେଶ କୁମାର ପୂଜାରୀଙ୍କ ନିର୍ଦ୍ଦେଶରେ ଏହି ନୂଆ SOP ପ୍ରସ୍ତୁତ ହୋଇଛି, କାରଣ ଅନେକ ପଞ୍ଜୀକରଣ ଅଧିକାରୀ ପୂର୍ବ ନିୟମ ଓ ପ୍ରକ୍ରିୟା ବିଷୟରେ ସ୍ପଷ୍ଟ ଜ୍ଞାନ ନଥିଲା ବୋଲି ଜଣାଯାଇଛି।
ନୂଆ SOPର ମୁଖ୍ୟ ନିୟମଗୁଡ଼ିକ:
🔹 ଗ୍ରାମାଞ୍ଚଳ: ଜଳାଶୟ ବ୍ୟତୀତ ଅଂଶ ପ୍ଲଟ ପଞ୍ଜୀକରଣ ପାଇଁ କୌଣସି ବିଶେଷ ସର୍ତ୍ତ ନାହିଁ। ଜଳାଶୟ ପ୍ଲଟ ସମ୍ପୂର୍ଣ୍ଣ ହସ୍ତାନ୍ତର ହେବ ଓ ୫୦୦ ବର୍ଗମିଟରରୁ ଅଧିକ ବିଭାଜନ ନିଷିଦ୍ଧ।
🔹 କୃଷି ଜମି: କୃଷି ଜମି ବିଭାଜନ ହେବ ଯଦି “ଫର୍ମ ଡି”ରେ ଏହାକୁ କୃଷି କାର୍ଯ୍ୟ ପାଇଁ ବ୍ୟବହାର ହେବ ବୋଲି ଘୋଷଣା ଦିଆଯାଏ।
🔹 ସହରାଞ୍ଚଳ: ଓଡ଼ିଶା ବିକାଶ ପ୍ରାଧିକରଣ ଓ ସହର ଯୋଜନା ଆଇନ ଅନୁଯାୟୀ ବିଭାଜନ ହେବ, କିନ୍ତୁ ପରିବାର ବିଭାଜନ, ୫୦୦ ବର୍ଗମିଟରରୁ କମ ଓ ସହ-ମାଲିକଙ୍କ ବିଭାଜନରେ ଛାଡ଼ ରହିଛି।
🔹 ପୂର୍ବ ଛୋଟ ପ୍ଲଟ: ଯଦି ୨୦୨୫ ଓଡ଼ିଶା ବିକାଶ ନିୟମ ପୂର୍ବରୁ ୫୦୦ ବର୍ଗମିଟରରୁ କମ ପ୍ଲଟ ବିଭାଜନ ହୋଇଥାଏ, ସେଥି ପଞ୍ଜୀକରଣ ଅନୁମୋଦିତ ହେବ।
ପଞ୍ଜୀକରଣ ଅଧିକାରୀମାନେ ମାନଚିତ୍ର, ସୀମା ଓ ଘୋଷଣା ଯାଞ୍ଚ କରି ନିୟମ ଅନୁସାରେ ପଞ୍ଜୀକରଣ କରିବେ। ନୂଆ SOP ତୁରନ୍ତ ଲାଗୁ ହୋଇଛି ବୋଲି ସରକାର ଜଣାଇଛି।