ଭୁବନେଶ୍ୱର, ୫।୧୨: ସୁଭଦ୍ରା ଯୋଜନା ପରେ ରାଜ୍ୟ ସରକାର ଓଡ଼ିଶାରେ ଏକ ନୂଆ ସାମାଜିକ ସୁରକ୍ଷା ପଦକ୍ଷେପ ଘୋଷଣା କରିଛି। ଏଥର ‘ମୁଖ୍ୟମନ୍ତ୍ରୀ କନ୍ୟା ବିବାହ ଯୋଜନା’ ଅଧୀନରେ ବିବାହ ପାଇଁ ଝିଅଙ୍କୁ ଅର୍ଥ ସହାୟତା ଦିଆଯିବ।
କେତେ ଟଙ୍କା ମିଳିବ?
ଯୋଜନା ଅନୁଯାୟୀ, ବିବାହ ପାଇଁ କନ୍ୟାଙ୍କୁ ମୋଟ ୫୧,୦୦୦ ଟଙ୍କା ସହାୟତା ଦିଆଯିବ।
ଏହାର ବିଭାଜନ ହେଉଛି—
- ୩୫,୦୦୦ ଟଙ୍କା — ଡିବିଟି ମାଧ୍ୟମରେ ସିଧା କନ୍ୟାଙ୍କ ବ୍ୟାଙ୍କ ଆକାଉଣ୍ଟକୁ
- ୧୦,୦୦୦ ଟଙ୍କା — ବିବାହ ଉପହାର
- ୬,୦୦୦ ଟଙ୍କା — ବିବାହ ଆୟୋଜନ ପାଇଁ ସଂଗଠନ/ସଂସ୍ଥାକୁ
କିଏ ଏହି ସହାୟତା ପାଇବେ?
- କନ୍ୟାଙ୍କ ବୟସ ୧୮ରୁ ୩୫ ବର୍ଷ
- ବରଙ୍କ ବୟସ ୨୧ରୁ ୩୫ ବର୍ଷ
- ବିଧବା, ଦିବ୍ୟାଙ୍ଗ, SC/ST ଓ ଆର୍ଥିକ ଅନୁନ୍ନତ ବର୍ଗର କନ୍ୟାମାନେ ମଧ୍ୟ ଏହି ସହାୟତା ପାଇବେ
ଗାଇଡଲାଇନ ଜାରି
ମହିଳା ଓ ଶିଶୁ ବିକାଶ ବିଭାଗ ସମସ୍ତ ଜିଲ୍ଲାପାଳଙ୍କୁ ଏହି ଯୋଜନା ସମ୍ପର୍କିତ ଗାଇଡଲାଇନ ପଠାଇଛି। ଶୀଘ୍ର ଏହାକୁ ସମଗ୍ର ରାଜ୍ୟରେ ଲାଗୁ କରାଯିବ।