ଭୁବନେଶ୍ୱର, ୨୭ ଅଗଷ୍ଟ: ଉତ୍ତର-ପଶ୍ଚିମ ବଙ୍ଗୋପସାଗରରେ ସୃଷ୍ଟ ଲଘୁଚାପ ଆଗାମୀ ୨୪ ଘଣ୍ଟାରେ ଅଧିକ ଘନୀଭୂତ ହେବାର ସମ୍ଭାବନା ଥିବାରୁ ଓଡ଼ିଶାର ବିଭିନ୍ନ ସ୍ଥାନରେ ବର୍ଷା ବଢ଼ିବ। ପାଣିପାଗ କେନ୍ଦ୍ରର ଆକଳନ ଅନୁଯାୟୀ, ୩୦ ତାରିଖ ପର୍ଯ୍ୟନ୍ତ ରାଜ୍ୟରେ ବର୍ଷା ଜାରି ରହିବ।
ପାଣିପାଗ ବିଶେଷଜ୍ଞ ପ୍ରଫେସର ସୁରେନ୍ଦ୍ରନାଥ ପଶୁପାଳକ କହିଛନ୍ତି, ଲଘୁଚାପ ଅଧିକ ଶକ୍ତିଶାଳୀ ହେବାର ସମ୍ଭାବନା କମ୍। ୨୯ ଅଗଷ୍ଟରେ ଏହା ଛତିଶଗଡ଼କୁ ସରିଯିବାର ଆଶା ରହିଛି। ୨୮ରେ ପାଣିପାଗ ପରିସ୍ଥିତି ୨୭ର ଭଳି ରହିବା ସମ୍ଭାବନା ଥିଲେ ୨୯ରେ କେନ୍ଦ୍ରୀୟ ଓ ଉତ୍ତର ଓଡ଼ିଶାରେ, ୩୦ରେ ଉତ୍ତର ଓ ପଶ୍ଚିମ ଓଡ଼ିଶାରେ ଏବଂ ୩୧ରେ ପ୍ରାୟତଃ ସମଗ୍ର ରାଜ୍ୟରେ ସ୍ୱଳ୍ପ ରୁ ମଧ୍ୟମଧରଣର ବର୍ଷା ହେବ।
ବନ୍ୟା ସ୍ଥିତି:
ସୁବର୍ଣ୍ଣରେଖା ନଦୀ ଜାମଶୋଳା ଗେଟ୍ ଓ ରାଜଘାଟଠାରେ ବିପଦ ସଂକେତ ଉପରେ ପ୍ରବାହିତ ହେଉଛି। ବାଲେଶ୍ୱରର ବସ୍ତା, ଭୋଗରାଇ, ବାଲିଆପାଳ ଓ ଜଳେଶ୍ୱର, ଯାଜପୁରର ଦଶରଥପୁର ବ୍ଲକ ଏବଂ ଭଦ୍ରକର ଭଣ୍ଡାରିପୋଖରୀ, ତିହିଡ଼ି, ଧାମନଗର ଅଞ୍ଚଳରେ ବନ୍ୟାର ପ୍ରଭାବ ଦେଖାଦେଇଛି।
ଜଳ ସମ୍ପଦ ବିଭାଗର ସର୍ବୋଚ୍ଚ ଯନ୍ତ୍ରୀ ଚନ୍ଦ୍ରଶେଖର ପାଢ଼ୀ କହିଛନ୍ତି ଯେ, ବୈତରଣୀ ଆଖୁଆପଦାରେ ବିପଦ ସଂକେତ ତଳେ ଅଛି। ବଂଶଧରା, ନାଗାବଳୀ ଓ କୋଲାବ ନଦୀରେ ସାମାନ୍ୟ ଅଧିକ ବର୍ଷା ହୋଇଥିବା ବେଳେ ହୀରାକୁଦ ବନ୍ଧର ୮ଟି ଗେଟ୍ ଦ୍ୱାରା ଜଳ ନିଷ୍କାସନ ହୋଇପାରୁଛି।