ନୂଆଦିଲ୍ଲୀ, ୩୦ ସେପ୍ଟେମ୍ବର – ରାଷ୍ଟ୍ରୀୟ ଅପରାଧ ରେକର୍ଡ ବ୍ୟୁରୋ (NCRB) ପ୍ରକାଶିତ କ୍ରାଇମ୍ ଇନ୍ ଇଣ୍ଡିଆ 2023 ରିପୋର୍ଟ ଓଡ଼ିଶାର ଅବସ୍ଥାକୁ ନେଇ ଗମ୍ଭୀର ଚିନ୍ତା ସୃଷ୍ଟି କରିଛି। ରିପୋର୍ଟ ଅନୁସାରେ, ୨୦୨୩ରେ ମହିଳାଙ୍କୁ ଉଲଗ୍ନ କରିବା ମାମଲାରେ (IPC ଧାରା 354B) ଓଡ଼ିଶାରେ ସର୍ବାଧିକ 1,978 କେସ୍ ରେଜିଷ୍ଟର୍ ହୋଇଥିବାରୁ ରାଜ୍ୟ ଦେଶରେ ପ୍ରଥମ ସ୍ଥାନରେ ଆସିଛି।
ଏହା ପରେ 1,750 କେସ୍ ସହିତ ଉତ୍ତର ପ୍ରଦେଶ ରହିଛି। NCRB ଡାଟା ଦେଖାଇଛି ଯେ, ସମଗ୍ର ଦେଶରେ 2023ରେ ମହିଳାଙ୍କ ବିରୋଧରେ ଅପରାଧ 4% ବୃଦ୍ଧି ପାଇଛି।
ଓଡ଼ିଶାରେ ଆକ୍ରମଣ ଓ ଅପରାଧର ବୃଦ୍ଧି
- ବଳାତ୍କାର ଉଦ୍ଦେଶ୍ୟରେ ଆକ୍ରମଣ (IPC 354): ଓଡ଼ିଶା 5,937 କେସ୍ ସହ ଦେଶରେ ଦ୍ୱିତୀୟ, ପ୍ରଥମ ସ୍ଥାନରେ ରାଜସ୍ଥାନ (6,758)।
- ପ୍ରତି ଲକ୍ଷ ଜନସଂଖ୍ୟାକୁ ଆଧାର କରି ଅପରାଧ ହାର: ଓଡ଼ିଶା (25.8%) ପ୍ରଥମ, ରାଜସ୍ଥାନ (17.1%) ଦ୍ୱିତୀୟ।
- ମୋଟ ମହିଳାଙ୍କ ବିରୋଧରେ ଅପରାଧ: 25,914 (2022ର 23,648ରୁ ବୃଦ୍ଧି)।
- ସମଗ୍ର ଆଇପିସି ଅଧୀନରେ ରେଜିଷ୍ଟର୍ ଅପରାଧ: 1,70,022 (2022ରୁ 18.7% ବୃଦ୍ଧି)।
ଶିଶୁ ଓ ଦାମ୍ପତ୍ୟ ସମ୍ପର୍କୀୟ ଅପରାଧ
- ଶିଶୁମାନଙ୍କ ବିରୋଧରେ ଅପରାଧ: 8,577 (4.1% ବୃଦ୍ଧି)।
- ପତି କିମ୍ବା ସମ୍ପର୍କୀୟଙ୍କ ନିର୍ଯ୍ୟାତନ: 1,33,676 କେସ୍ (ସମଗ୍ର ଦେଶରେ ସର୍ବାଧିକ)।
କେତେକ କ୍ଷେତ୍ରରେ ହ୍ରାସ
- ହତ୍ୟା: 2022ର 1,379ରୁ 2023ରେ 1,362 (1.8% ହ୍ରାସ)।
- ବଳାତ୍କାର: 2022ର 1,464ରୁ 2023ରେ 1,195 (18.4% ହ୍ରାସ)।
NCRBର ଏହି ରିପୋର୍ଟ ଓଡ଼ିଶାରେ ବିଭିନ୍ନ ଅପରାଧ ବୃଦ୍ଧି ପାଇଥିବାକୁ ସ୍ପଷ୍ଟ କରିଛି, ଯାହା ନାରୀ ଓ ଶିଶୁ ସୁରକ୍ଷା ପ୍ରଶ୍ନକୁ ପୁନର୍ବାର ଆଗକୁ ଆଣିଛି।