ପୋଲାଭରମ୍ ପ୍ରକଳ୍ପ ନେଇ ପ୍ରଧାନମନ୍ତ୍ରୀଙ୍କ ଉଦ୍ୟମ, ୨୮ ତାରିଖରେ ଚାରି ରାଜ୍ୟର ମୁଖ୍ୟମନ୍ତ୍ରୀଙ୍କ ସହ ଉଚ୍ଚସ୍ତରୀୟ ବୈଠକ

ନୂଆଦିଲ୍ଲୀ, ୧୭ ମଇ – ଦୀର୍ଘକାଳୀନ ବିବାଦ ମଧ୍ୟରେ ଥିବା ପୋଲାଭରମ୍ ପ୍ରକଳ୍ପ ନେଇ ଏବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସୂଚିତ ଉଦ୍ୟମ ଗ୍ରହଣ କରିଛନ୍ତି। ଆସନ୍ତା ୨୮ ମଇରେ ଓଡ଼ିଶା, ଆନ୍ଧ୍ରପ୍ରଦେଶ, ତେଲେଙ୍ଗାନା ଓ ଛତିଶଗଡ଼ର ମୁଖ୍ୟମନ୍ତ୍ରୀଙ୍କ ସହ ବୈଠକ କରି ପ୍ରକଳ୍ପ ସମ୍ବନ୍ଧିତ ବିବାଦ ନେଇ ସିଧାସଳଖ ଆଲୋଚନା କରିବେ।

ଏହା ପ୍ରଥମ ଥର ଯେଉଁଠି ପ୍ରଧାନମନ୍ତ୍ରୀ ସମ୍ପୃକ୍ତ ସମସ୍ତ ଚାରି ରାଜ୍ୟଙ୍କୁ ଏକେ ସ୍ଥାନରେ ଆଣି ଏତେ ଗୁରୁତ୍ୱପୂର୍ଣ୍ଣ ଆଲୋଚନା କରିବେ।

ଓଡ଼ିଶାର ଦୃଢ଼ ପକ୍ଷ

ଓଡ଼ିଶାର ଆଇନ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ କହିଛନ୍ତି, “ବୈଠକରେ ଓଡ଼ିଶା ଦୃଢ଼ ଭାବେ ନିଜ ଯୁକ୍ତି ଓ ତଥ୍ୟ ଉପସ୍ଥାପନ କରିବ। ଜମି, ଜଳ ଓ ଅଞ୍ଚଳର ଅଧିକାର ଉପରେ ଆମେ କୌଣସି ରୂପର ସାଲିସ କରିବୁ ନାହିଁ। ପୂର୍ବ ରାଜ୍ୟ ସରକାର ଏହି ବିଷୟକୁ ଗଭୀରତାରେ ନେଇନଥିବା ଫଳରେ ଆଜି ଏହା ବିବାଦ ଦୀର୍ଘିତ ହୋଇଛି।”

ବିବାଦର ମୂଳ କାରଣ

ଆନ୍ଧ୍ରପ୍ରଦେଶର ପୋଲାଭରମ୍ ପ୍ରକଳ୍ପ ଏକ ବହୁମୁଖୀ ଜଳସେଚନ ଓ ଜଳବିଦ୍ୟୁତ ଉଦ୍ୟୋଗ ଥିଲେ ବି, ଏହା ଓଡ଼ିଶା, ଛତିଶଗଡ଼ ଓ ତେଲେଙ୍ଗାନା ପାଇଁ ଚିନ୍ତାଜନକ ବିଷୟ ହୋଇଯାଇଛି। ଏହି ପ୍ରକଳ୍ପ ଉପରେ ଉଠିଥିବା ଆପତ୍ତି ଏବେ ସୁପ୍ରିମକୋର୍ଟରେ ବିଚାରାଧୀନ ଅଛି।

ଆଦିବାସୀ ଅଞ୍ଚଳରେ ଚିନ୍ତା

ଓଡ଼ିଶା ଓ ଛତିଶଗଡ଼ର ଆଦିବାସୀ ଅଞ୍ଚଳମାନେ ଏହି ପ୍ରକଳ୍ପ ଦ୍ୱାରା ବନ୍ୟା ବିପଦ ଓ ବିସ୍ଥାପନ ସମସ୍ୟାରେ ପଡିପାରନ୍ତି ବୋଲି ଆଶଙ୍କା କରାଯାଉଛି। ଏହି ସବୁ କ୍ଷେତ୍ରକୁ ଧ୍ୟାନରେ ରଖି ଓଡ଼ିଶା ସରକାର ତଥ୍ୟାତ୍ମକ ଭିତିରେ ଆପଣା ଦିଅଯିବ।

ମୋଦିଙ୍କ ହସ୍ତକ୍ଷେପ ଉପରେ ଆଶା

ଏହି ବୈଠକ ପରେ ପ୍ରକଳ୍ପ ସମ୍ପର୍କିତ ଅସମ୍ମତି ଓ ବିବାଦକୁ ପାରସ୍ପରିକ ବୁଝାମଣା ମାଧ୍ୟମରେ ସମାଧାନ କରାଯିବ ବୋଲି ଅନେକ ରାଜ୍ୟ ଆଶା ପ୍ରକାଶ କରିଛନ୍ତି। ଏହା ସହିତ ଦେଶର ଏକ ଗୁରୁତ୍ୱପୂର୍ଣ୍ଣ ଜଳପ୍ରକଳ୍ପ ନେଇ ଦୀର୍ଘକାଳର ଅନିଶ୍ଚୟତାକୁ ଶେଷ କରିବା ପାଇଁ ଏହି ବୈଠକ ଏକ ଟର୍ଣିଂ ପଏଣ୍ଟ ହେବ ବୋଲି ଅନୁମାନ।