ଯୋଗାଣ ମନ୍ତ୍ରୀଙ୍କ ବଡ଼ ସୂଚନା: e-KYC ନ କଲେ କଟିଯିବ ରାଶନ କାର୍ଡ

ଭୁବନେଶ୍ୱର, ୩୦ ଜୁନ: ଓଡ଼ିଶା ରାଜ୍ୟର ଯୋଗାଣ ମନ୍ତ୍ରୀ କୃଷ୍ଣ ଚନ୍ଦ୍ର ପାତ୍ର ରାଶନ କାର୍ଡ ହୋଲ୍ଡରଙ୍କ ପାଇଁ ଏକ ଗୁରୁତ୍ୱପୂର୍ଣ୍ଣ ସୂଚନା ଦେଇଛନ୍ତି। ସେ ସୋମବାର ଦେଶବ୍ୟାପୀ e-KYC ପ୍ରକ୍ରିୟା ସମ୍ପୂର୍ଣ୍ଣ କରିବା ଦିଗରେ ଜୋର ଦେଇ କହିଛନ୍ତି ଯେ, ଯେଉଁ ହିତାଧିକାରୀ ଏଥିପର୍ଯ୍ୟନ୍ତ e-KYC ନାହାଁନ୍ତି, ସେମାନଙ୍କ ରାଶନ କାର୍ଡ ୩ ମାସ ପାଇଁ ସସ୍ପେଣ୍ଡ କରାଯିବ।

ମନ୍ତ୍ରୀ କହିଛନ୍ତି, ଯଦି ୩ ମାସ ମଧ୍ୟରେ e-KYC କରାଯିବ, ତେବେ କାର୍ଡ ପୁନଃ ସଚଳ କରାଯିବ। କିନ୍ତୁ ତା’ପରେ ବି e-KYC ନ କଲେ, କାର୍ଡ ଚିରସ୍ଥାୟୀ ଭାବେ ବାତିଲ ହୋଇଯିବ।

ମନ୍ତ୍ରୀ ଅନୁସାରେ, ବର୍ତ୍ତମାନ ଓଡ଼ିଶାରେ ୨୦ ଲକ୍ଷ ୫୮ ହଜାର ରାଶନ କାର୍ଡ ଧାରୀ e-KYC କରିନାହାନ୍ତି, ଯାହାକି ଗଭୀର ଚିନ୍ତାର ବିଷୟ। ରାଜ୍ୟ ସରକାର ହିତାଧିକାରୀଙ୍କୁ ସତର୍କ କରିଛି ଯେ, ସମୟ ମଧ୍ୟରେ e-KYC ସମ୍ପୂର୍ଣ୍ଣ କରି ରାଶନ ସୁବିଧା ଜାରି ରଖନ୍ତୁ।