ମାଲକାନଗିରି – ବର୍ଷାଧିକ ଅନୁଭବ ସହିତ ମାଓ ଚଳାଚଳରେ ଜଡିତ ଥିବା ଜଣେ ଜଣେ ବରିଷ୍ଠ ମାଓ ଦମ୍ପତି ଆନ୍ଧ୍ର ପ୍ରଦେଶର ବିଜୟୱାଡ଼ା ପୁଲିସଙ୍କ ସମ୍ମୁଖରେ ଆତ୍ମସମର୍ପଣ କରିଛନ୍ତି। ସେମାନେ ହେଲେ ଜୋରିଗେ ନାଗରାଜୁ ଅka କମଲେଶ ଓ ତାଙ୍କ ଜୀବନସଂଗିନୀ ମେଡକା ଜ୍ୟୋତିଶ୍ୱରୀ ଅka ଅରୁଣା, ଯେଉଁମାନେ ୩୪ ବର୍ଷ ଧରି ମାଓବାଦୀ ସଂଗଠନ ସହ ଜଡିତ ଥିଲେ।
କମଲେଶ, ବସ୍ତର ଡିଭିଜନାଲ କମିଟିର ଗୁରୁତ୍ୱପୂର୍ଣ୍ଣ ଦାୟିତ୍ୱରେ ଥିଲେ, ଯାହାପାଇଁ ଆନ୍ଧ୍ର ପ୍ରଦେଶ ସରକାର ତାଙ୍କ ଉପରେ ୨୦ ଲକ୍ଷ ଟଙ୍କାର ଇନାମ ଘୋଷଣା କରିଥିଲା। ଅନ୍ୟପଟେ ଅରୁଣା ପାଇଁ ଘୋଷିତ ପୁରସ୍କାର ରାଶି ଥିଲା ୫ ଲକ୍ଷ ଟଙ୍କା।
ଦମ୍ପତି କହିଛନ୍ତି ଯେ, ଲଗାତାର ଆନ୍ଧ୍ର, ଛତିଶଗଡ, ଓଡ଼ିଶା ଓ ତେଲେଙ୍ଗାନାରେ ଚାଲିଥିବା ପୁଲିସ ଅପରେସନ ଓ ଜୀବନର ଅସୁବିଧା ସହିତ ମାଓ ଦଳର ଭିତରେ ରହିବା ଅସମ୍ଭବ ହୋଇଯିବାରୁ ସେମାନେ ଆତ୍ମସମର୍ପଣ କରିଛନ୍ତି।
ଆତ୍ମସମର୍ପଣ ପରେ, ଦୁହିଁଜଣଙ୍କୁ ଆନ୍ଧ୍ର ପ୍ରଦେଶ ପୁଲିସ ତରଫରୁ ୨୦,୦୦୦ ଟଙ୍କା ଆର୍ଥିକ ସହଯୋଗ ମଧ୍ୟ ଦିଆଯାଇଛି।
୧୮ ଅସ୍ତ୍ର ଓ ଶସ୍ତ୍ର ଜବତ
ଗୁପ୍ତ ସୂଚନା ଆଧାରରେ, ଆଲୁରି ସୀତାରାମ ଜିଲ୍ଲାରେ ଅନ୍ୟ ଜଣେ ମାଓ ଦମ୍ପତିକୁ ଗିରଫ କରାଯାଇଛି। ସେମାନଙ୍କ ନିକଟରୁ ୧୮ଟି ଅସ୍ତ୍ର-ଶସ୍ତ୍ର ଓ ବିଶାଳ ପରିମାଣର ଗୋଲିବାରୁଦ ଜବତ କରାଯାଇଛି।
ଜବତ ହୋଇଥିବା ସାମଗ୍ରୀ:
- 1 ଟି AK-47 ରାଇଫଲ୍
- 2 ଟି BGEL
- 5 ଟି SLR
- 2 ଟି INSAS
- 606 ଟି ଜୀବନ୍ତ ଗୋଲି
- 37 କିଲୋଗ୍ରାମ କଡେକ୍ସ ତାର ଓ ଅନ୍ୟାନ୍ୟ ଧ୍ୱଂସକାରୀ ଉପକରଣ
ପୁଲିସ ଓ ସରକାର ସୂଚନା ଦେଇଛି, ଅନ୍ୟ ମାଓବାଦୀମାନେ ମଧ୍ୟ ହିଂସାର ରାସ୍ତା ଛାଡ଼ି ଆତ୍ମସମର୍ପଣ କରନ୍ତୁ, ଯାହାପାଇଁ ସେମାନଙ୍କୁ ୭ ମାସର ସୁଯୋଗ ଦିଆଯାଇଛି।