ଭୁବନେଶ୍ବର: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଆସନ୍ତାକାଲି ଓଡିଶା ଗସ୍ତକୁ ନେଇ ରାଜ୍ୟ କଂଗ୍ରେସ ପକ୍ଷରୁ ବିରୋଧ ଜଣାଯାଇଛି। ଏହି ପ୍ରତିବାଦ ସୂଚନା ଦେଇ ଓଡିଶା ପ୍ରଦେଶ କଂଗ୍ରେସ କମିଟି (ପିସିସି) ସଭାପତି ଭକ୍ତ ଚରଣ ଦାସ କହିଛନ୍ତି ଯେ, ଶୁକ୍ରବାର ସକାଳ ୯ଟାରୁ ସନ୍ଧ୍ୟା ପର୍ଯ୍ୟନ୍ତ କଂଗ୍ରେସ କାର୍ଯ୍ୟାଳୟ ସମ୍ମୁଖରେ ଦିନିକିଆ ଅନଶନ କରାଯିବ।
ଏକ ସାମ୍ବାଦିକ ସମ୍ମିଳନୀରେ ଦାସ ଅଭିଯୋଗ କରିଛନ୍ତି ଯେ, ପ୍ରଧାନମନ୍ତ୍ରୀଙ୍କ ଗସ୍ତ ପାଇଁ ରାଜ୍ୟରେ ୧୩୩ ପ୍ଲାଟୁନ୍ ପୋଲିସ ଫୋର୍ସ ଓ ଅନେକ ବରିଷ୍ଠ ପୋଲିସ ଅଧିକାରୀଙ୍କୁ ନିଯୁକ୍ତ କରାଯାଇଛି। ସେ କହିଛନ୍ତି ଯେ, ପୁରୀର ରଥଯାତ୍ରା ଭଳି ବଡ଼ ଧାର୍ମିକ କାର୍ଯ୍ୟକ୍ରମରେ ଯେଉଁ ପରିମାଣରେ ସୁରକ୍ଷା ବ୍ୟବସ୍ଥା ନଥାଏ, ପ୍ରଧାନମନ୍ତ୍ରୀଙ୍କ ଏକ ଦିନିଆ ଗସ୍ତ ପାଇଁ ତାହାଠାରୁ ବେଶି ପୋଲିସ ତେନାଯାଉଛି।
ପିସିସି ସଭାପତି ଅଭିଯୋଗ କରିଛନ୍ତି ଯେ, ରାଜ୍ୟରେ ନାରୀ ଉପରେ ଦୁଷ୍କର୍ମ ଓ ନିର୍ଯାତନା ଘଟଣା ବଢ଼ିଚାଲିଛି, ଏବଂ ପ୍ରଧାନମନ୍ତ୍ରୀ ଏହି ସମସ୍ୟାଗୁଡିକୁ ଗୁରୁତ୍ୱ ଦେଉଛନ୍ତି କି ନାହିଁ, ତାହା ନେଇ ପ୍ରଶ୍ନ ଉଠିଛି। ସେ ଦାବି କରିଛନ୍ତି ଯେ, ଯଦି ଏହି ମାମଲାକୁ ଗୁରୁତ୍ୱ ସହ ନେଉଛନ୍ତି, ତେବେ ନାରୀ ନିର୍ଯାତନା ଓ ହଇଜା ନେଇ ଭାଷଣ ଦିଆଯିବା ଉଚିତ।
ଏହାସହିତ, କଂଗ୍ରେସ ପକ୍ଷରୁ ପ୍ରଶ୍ନ କରାଯାଇଛି ଯେ, ପ୍ରଧାନମନ୍ତ୍ରୀ ଗୋପାଳପୁର, କେନ୍ଦୁଝର ଓ ଯାଜପୁର ଭଳି ଅଞ୍ଚଳକୁ ଯିବେ କି ନାହିଁ।