ନୂଆଦିଲ୍ଲୀ: ପଶ୍ଚିମ ଏସିଆରେ ଚାଲିଥିବା ତଣାପୋଡ଼ ମଧ୍ୟରେ Strait of Hormuz ପାର କରିବାକୁ ଆଉ ଦୁଇଟି ଭାରତ ଅଭିମୁଖୀ ଏଲପିଜି ଟ୍ୟାଙ୍କର ପ୍ରସ୍ତୁତ ହେଉଛି। ‘ପାଇନ୍ ଗ୍ୟାସ୍’ ଓ ‘ଜଗ ବସନ୍ତ’ ନାମକ ଏହି ଜାହାଜ ଦୁଇଟି ବର୍ତ୍ତମାନ Sharjah ନିକଟରେ ଅବସ୍ଥିତ ଓ ଶନିବାର ଯାତ୍ରା ଆରମ୍ଭ କରିପାରେ ବୋଲି ବାଣିଜ୍ୟ ସୂତ୍ରରୁ ସୂଚନା ମିଳିଛି।
ରିପୋର୍ଟ ଅନୁଯାୟୀ, ଗତ ୨୪ ଘଣ୍ଟା ଧରି ଏହି ମୁଖ୍ୟ ମାର୍ଗ ଦେଇ କୌଣସି ଅଶୋଧିତ ତେଲ ଟ୍ୟାଙ୍କର ଯାତାୟାତ କରିନଥିବାବେଳେ, ଏହି ଦୁଇଟି ଭାରତୀୟ ପତାକା ବହନ କରୁଥିବା ଏଲପିଜି ଜାହାଜ ଆଗାମୀ ସମୟରେ ପ୍ରଣାଳୀ ପାର୍ କରିବାକୁ ପ୍ରସ୍ତୁତ। ମଧ୍ୟପ୍ରାଚ୍ୟରେ ବଢ଼ୁଥିବା ସଂଘର୍ଷ ପରେ କିଛି ସମୟ ପାଇଁ ଜାହାଜ ଚଳାଚଳ ବିଘ୍ନିତ ହୋଇଥିଲା।
ବିଶ୍ୱ ଶକ୍ତି ପରିବହନ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଏହି Strait of Hormuz ମାର୍ଗ ଦେଇ ପ୍ରାୟ ୨୦ ପ୍ରତିଶତ ତେଲ ଓ ଏଲପିଜି ପରିବହନ ହୋଇଥାଏ। ଏହି ମାର୍ଗ ବନ୍ଦ ହେବାର ଆଶଙ୍କା ନେଇ ବିଶ୍ୱ ବଜାରରେ ଚିନ୍ତା ବଢ଼ିଛି।
‘ଜଗ ବସନ୍ତ’ Bharat Petroleum Corporation Limited (ବିପିସିଏଲ) ଓ ‘ପାଇନ୍ ଗ୍ୟାସ୍’ Indian Oil Corporation (ଆଇଓସି) ଦ୍ୱାରା ପରିଚାଳିତ। ତେବେ ଉଭୟ କମ୍ପାନୀ ଏପର୍ଯ୍ୟନ୍ତ ଜାହାଜ ଚଳାଚଳ ସମ୍ପର୍କରେ କୌଣସି ଆଧିକାରିକ ମତ ପ୍ରକାଶ କରିନାହାନ୍ତି।
ଏହି ପରିସ୍ଥିତିରେ ଭାରତର ଉର୍ଜା ଆପୂର୍ତ୍ତି ଓ ବିଶ୍ୱ ବଜାର ଉପରେ ଏହାର ପ୍ରଭାବକୁ ନେଇ ସତର୍କ ନଜର ରଖାଯାଉଛି।