ନୂଆଦିଲ୍ଲୀ, ୪ ଜୁଲାଇ: ଏଜବାଷ୍ଟନ ଟେଷ୍ଟ ମ୍ୟାଚର ପ୍ରଥମ ଇନିଂସରେ ଭାରତୀୟ ଦଳପତି ଶୁଭମନ ଗିଲ ତାଙ୍କ କ୍ୟାରିୟରର ସର୍ବଶ୍ରେଷ୍ଠ ଟେଷ୍ଟ ପ୍ରଦର୍ଶନ କରିଥିଲେ। ସେ ଏଥିରେ ୨୬୯ ରନ କରି ଦ୍ୱିଶତକ ହାସଲ କରିଥିଲେ। ଏହା ସହିତ ଗିଲ ଅନେକ ରେକର୍ଡ ଭାଙ୍ଗିଥିଲେ ଏବଂ ଏହି ବିଶେଷ ଇନିଂସ ପାଇଁ ତାଙ୍କୁ ଭାରତୀୟ କ୍ରିକେଟ ବୋର୍ଡ BCCI ପକ୍ଷରୁ ଏକ ବଡ଼ ବୋନସ ପ୍ରଦାନ କରାଯିବ।
BCCI ତାଙ୍କ ଖେଳାଳିମାନେ ଦ୍ୱାରା ଅଭୁତପୂର୍ବ ପ୍ରଦର୍ଶନ ପାଇଁ ଏକ ବୋନସ ଯୋଜନା ରଖିଛି। ଏହି ଯୋଜନା ଅନୁଯାୟୀ, ଯେଉଁ ଖେଳାଳି ଟେଷ୍ଟ ମ୍ୟାଚରେ ଶତକ କରନ୍ତି, ସେମାନେ ୫ ଲକ୍ଷ ଟଙ୍କା ପାଆନ୍ତି, ଏବଂ ଦ୍ୱିଶତକ ପାଇଁ ୭ ଲକ୍ଷ ଟଙ୍କା ଦିଆଯାଏ। ଏହି ଅନୁସାରେ, ଶୁଭମନ ଗିଲଙ୍କ ଏହି ଦ୍ୱିଶତକ ପାଇଁ ସେ ୭ ଲକ୍ଷ ଟଙ୍କା ଇନସେନ୍ଟିଭ୍ ପାଇବେ। ଯଦି ସେ ତ୍ରିଶତକ କରିଥାନ୍ତେ, ଏହି ପରିମାଣ ୧୦ ଲକ୍ଷ ଟଙ୍କା ହେଇଥାନ୍ତା।
କେବଳ ବ୍ୟାଟିଂ ନୁହେଁ, ବୋଲିଂ ମାଧ୍ୟମରେ ଯଦି ଜଣେ ଖେଳାଳି ଟେଷ୍ଟରେ ୫ଟି ୱିକେଟ ନିଅନ୍ତି, ସେମାନଙ୍କୁ ମଧ୍ୟ ୫ ଲକ୍ଷ ଟଙ୍କା ଦିଆଯାଏ। ଏହି ମାନଦଣ୍ଡ ଭିତରେ ଗିଲଙ୍କ ଦ୍ୱିଶତକ ଇନିଂସ ଦ୍ୱାରା ତାଙ୍କୁ ଏକ ବଡ଼ ରାଶି ଲାଭ ହେବା ନିଶ୍ଚିତ।
ବ୍ରମିଂହାମରେ ହୋଇଥିବା ଏହି ମ୍ୟାଚରେ ଗିଲ ଇଂଲଣ୍ଡ ଭୂମିରେ ଭାରତ ପକ୍ଷରୁ ଖେଳାଯାଇଥିବା ସବୁଠାରୁ ବଡ଼ ଇନିଂସ ଖେଳିଛନ୍ତି। ସେ ଏସିଆ ବାହାରେ ଟେଷ୍ଟରେ 250+ ରନ କରିଥିବା ପ୍ରଥମ ଭାରତୀୟ ହେବା ସହିତ ସେ SENA ଦେଶମାନେ (South Africa, England, New Zealand, Australia) ବିରୁଦ୍ଧରେ ଦ୍ୱିଶତକ ହାସଲ କରିଥିବା ପ୍ରଥମ ଏସୀୟ ଅଧିନାୟକ ହେବାର ଗୌରବ ମଧ୍ୟ ଅର୍ଜନ କରିଛନ୍ତି।