ହାଙ୍ଗ୍ଝୋ, ୧୩ ସେପ୍ଟେମ୍ବର: ଏସିଆ କପ୍ ମହିଳା ହକିର ଶିରୋପା ସ୍ୱର୍ଣ୍ଣିମୁହୂର୍ତ୍ତ ପାଇଁ ଭାରତ ଓ ଚାଇନା ମୁହାଁମୁହିଁ ହେବେ। ରବିବାର ଅନୁଷ୍ଠିତ ହେବାକୁଥିବା ଫାଇନାଲରେ ଦୁଇ ଦଳର ମୁକାବିଲା ପ୍ରତ୍ୟାଶା ଜନକ ହୋଇଛି।
ଶନିବାର ସୁପର-୪ ପର୍ଯ୍ୟାୟରେ ଭାରତ ଓ ଜାପାନ ମଧ୍ୟରେ ହୋଇଥିବା ମ୍ୟାଚ ୧-୧ରେ ସମାପ୍ତ ହୋଇଥିଲା। ଭାରତ ପାଇଁ ବିୟୁଟି ଡୁଙ୍ଗ୍ ଡୁଙ୍ଗ୍ ୭ମ ମିନିଟରେ ଗୋଲ୍ କରିଥିଲେ, କିନ୍ତୁ ଖେଳ ଶେଷ ପୂର୍ବରୁ ୨ ମିନିଟ ବାକିଥିବା ବେଳେ ଜାପାନର କୋବାୟାକାୟା ଶିହୋ ସମତା ସୃଷ୍ଟି କରିଥିଲେ।
ଭାରତର ଫାଇନାଲ ପ୍ରବେଶ ଚାଇନା-କୋରିଆ ମ୍ୟାଚରେ ନିର୍ଭର କରୁଥିଲା। ସୌଭାଗ୍ୟବଶତଃ, ଚାଇନା ୧-୦ରେ କୋରିଆକୁ ପରାଜିତ କରିଥିଲା ଏବଂ ଏହା ଭାରତଙ୍କୁ ଶେଷ ସ୍ଥରରେ ପ୍ରବେଶର ମାର୍ଗ ଖୋଲିଥିଲା।
ଏହା ଦୁଇ ଦଳର ମଧ୍ୟରେ ଏବେ ପର୍ଯ୍ୟନ୍ତ ଦ୍ୱିତୀୟ ‘ଡ୍ର’। ପୂର୍ବରୁ ପୁଲ୍ ପର୍ଯ୍ୟାୟରେ ହୋଇଥିବା ମ୍ୟାଚ ୨-୨ରେ ଅମୀମାଂସିତ ଥିଲା। ଭାରତ ଯଦି କୋରିଆ ବିପକ୍ଷରେ ବିଜୟୀ ହୋଇଥାନ୍ତା, ସେମାନେ ସିଧାସଳଖ ଭାବେ ଆୟୋଜକ ଚାଇନା ସହ ଫାଇନାଲରେ ପ୍ରବେଶ କରିପାରିଥାନ୍ତି।