ନୂଆଦିଲ୍ଲୀ/ବେଇଜିଂ, ୭ ଜୁଲାଇ: ତିବ୍ବତୀୟ ଧର୍ମଗୁରୁ ଦଲାଇ ଲାମାଙ୍କ ୯୦ତମ ଜନ୍ମଦିନରେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଶୁଭେଚ୍ଛା ଓ ଉତ୍ସବରେ ଭାରତୀୟ ଅଧିକାରୀଙ୍କ ଉପସ୍ଥିତି ନେଇ ଚାଇନା ଗଭୀର ଅସନ୍ତୋଷ ପ୍ରକାଶ କରିଛି। ବେଇଜିଂ ଏଥିପାଇଁ ଭାରତ ପାଖରେ ପ୍ରତିବାଦ ଜଣାଇଛି।
ଚାଇନାର ବୈଦେଶିକ ମନ୍ତ୍ରଣାଳୟର ମୁଖପାତ୍ର ମାଓ ନିଙ୍ଗ ଗଣମାଧ୍ୟମଙ୍କୁ କହିଛନ୍ତି ଯେ, ତିବ୍ବତ ଓ ଜିଜାଙ୍ଗ ସମ୍ବନ୍ଧୀୟ ପ୍ରସଙ୍ଗରେ ଚାଇନାର ଅବସ୍ଥା ଏକଦମ ସ୍ଥିର ଓ ସ୍ପଷ୍ଟ। ସେ ଅଭିଯୋଗ କରିଛନ୍ତି ଯେ ଦଲାଇ ଲାମା ଜଣେ ରାଜନୈତିକ ନିର୍ବାସିତ ଓ ବିଚ୍ଛିନ୍ନତାବାଦୀ କାର୍ଯ୍ୟକଳାପରେ ଲିପ୍ତ, ଯିଏ ଧର୍ମର ଆବରଣରେ ଚାଇନାକୁ ଭାଗ କରିବାକୁ ଚେଷ୍ଟା କରୁଛନ୍ତି।
ଚୀନ ସରକାର ଭାରତକୁ ଏହାର “ଜିଜାଙ୍ଗ” (ତିବ୍ବତ) ସମ୍ପର୍କରେ ସମ୍ବେଦନଶୀଳତା ବୁଝିବା ଓ ଚାଇନାର ପ୍ରତିବଦ୍ଧତାକୁ ସମ୍ମାନ କରିବା ପାଇଁ କହିଛି। ଏହି ଘଟଣା ଦୁଇ ଦେଶ ମଧ୍ୟରେ ଚାଲିଥିବା ସଂବେଦନଶୀଳ ରାଜନୈତିକ ସମ୍ପର୍କକୁ ପୁଣି ଏକ ନୂଆ ମୁଖ୍ୟ ମଞ୍ଚରେ ଆଣିଛି।