ତେହେରାନ: ପର୍ସିଆନ୍ ନବବର୍ଷ ‘ନୌରୁଜ୍’ ପାଳନ ସମୟରେ Tehran ଉପରେ Israel ଏୟାର ଷ୍ଟ୍ରାଇକ୍ କରିଥିବା ଖବର ସମ୍ମୁଖକୁ ଆସିଛି। Iran ରାଜଧାନୀ ଚାରିପାଖରେ ବିସ୍ଫୋରଣ ଓ ଗୁଳିଗୋଳାର ଶବ୍ଦ ଶୁଣିବାକୁ ମିଳିଥିବା ସ୍ଥାନୀୟ ସୂତ୍ରରୁ ଜଣାପଡ଼ିଛି।
ଏହି ଆକ୍ରମଣ ପରେ ମଧ୍ୟପ୍ରାଚ୍ୟରେ ତଣାତଣି ଆହୁରି ବଢ଼ିଯାଇଛି। ଅନ୍ୟପକ୍ଷରେ Iran ମଧ୍ୟ ପ୍ରତିଆକ୍ରମଣ ଜାରି ରଖିଛି। UAE, Kuwait, Saudi Arabia ଓ Bahrain ଉପରେ କ୍ଷେପଣାସ୍ତ୍ର ଓ ଡ୍ରୋନ୍ ଆକ୍ରମଣ ହୋଇଥିବା ସେମାନେ ଦାବି କରିଛନ୍ତି।
Bahrain ସରକାରଙ୍କ କହିବା ଅନୁସାରେ, ଏକ କମ୍ପାନୀ ଗୋଦାମରେ ଡ୍ରୋନ୍ କିମ୍ବା କ୍ଷେପଣାସ୍ତ୍ର ଅଂଶ ପଡ଼ିବା ଯୋଗୁଁ ଅଗ୍ନିକାଣ୍ଡ ଘଟିଥିଲା। ସେହିପରି Saudi Arabia ର ପୂର୍ବ ଅଞ୍ଚଳର ତୈଳ କ୍ଷେତ୍ରକୁ ଲକ୍ଷ୍ୟ କରି ଆକ୍ରମଣ ହୋଇଥିବା ବେଳେ, ସେଠାର ପ୍ରତିରକ୍ଷା ବ୍ୟବସ୍ଥା ପାଞ୍ଚଟି ଡ୍ରୋନ୍ ଖସେଇ ଦେଇଥିବା ଜଣାପଡ଼ିଛି।
ଏହି ତଣାତଣି ମଧ୍ୟରେ Benjamin Netanyahu କହିଛନ୍ତି ଯେ, ଯୁଦ୍ଧ ଫଳରେ Iran ଭାରି କ୍ଷତିଗ୍ରସ୍ତ ହୋଇଛି। ତାହାର ପ୍ରତିକ୍ରିୟାରେ ଇରାନ ଦ୍ୱାରା Jerusalem ଦିଗକୁ କ୍ଷେପଣାସ୍ତ୍ର ନିକ୍ଷେପ ହୋଇଥିବାରୁ ସାଇରେନ୍ ବାଜିଥିବା ଖବର ମିଳିଛି।
ଅନ୍ୟପକ୍ଷରେ Islamic Revolutionary Guard Corps (ଆଇଆରଜିସି) ଦାବି କରିଛି ଯେ ସେମାନେ ଆମେରିକାର ଅତ୍ୟାଧୁନିକ F-35 Lightning II ଯୁଦ୍ଧ ବିମାନକୁ ଧ୍ୱଂସ କରିଦେଇଛନ୍ତି। ଏହା ସହିତ ଏହି ଆକ୍ରମଣ ସମ୍ବନ୍ଧୀୟ ଭିଡିଓ ମଧ୍ୟ ଜାରି କରାଯାଇଛି।
ଉଲ୍ଲେଖନୀୟ ଯେ, F-35 Lightning II ବିଶ୍ୱର ସବୁଠୁ ଆଧୁନିକ ଯୁଦ୍ଧ ବିମାନମାନଙ୍କ ମଧ୍ୟରେ ଗଣାଯାଏ ଓ ଏହାର ମୂଲ୍ୟ ୧୦୦ ମିଲିୟନ୍ ଡଲାରରୁ ଅଧିକ।
ଏହି ଘଟଣା ପରେ ମଧ୍ୟପ୍ରାଚ୍ୟର ସୁରକ୍ଷା ପରିସ୍ଥିତି ଆହୁରି ଗମ୍ଭୀର ହେବା ଆଶଙ୍କା କରାଯାଉଛି।