ଟୋକିଓ, ୫ ଡିସେମ୍ବର: ସୋମବାର ରାତି ଜାପାନରେ ଶକ୍ତିଶାଳୀ ଭୂମିକମ୍ପ ଆଘାତ ମାରିଛି। ରିକ୍ଟର ସ୍କେଲରେ ତୀବ୍ରତା ୭.୬ ମାପିଥିବା ଏହି ଭୂମିକମ୍ପ ପରେ ଜାପାନ ପାଣିପାଗ ବିଭାଗ (JMA) ସାଗରକୂଳ ଅଞ୍ଚଳ ପାଇଁ ସୁନାମି ସତର୍କତା ଜାରି କରିଛି।
ରିପୋର୍ଟ ଅନୁସାରେ, ଉତ୍ତର-ପୂର୍ବ ଜାପାନର ହୋକ୍କାଇଡୋ, ଆଓମୋରି ଓ ଇୱାଟେ ପ୍ରାନ୍ତଗୁଡ଼ିକ ପାଇଁ ବିଶେଷ ସତର୍କତା ଜାରି ହୋଇଛି, ଯେଉଁଠାରେ ୩ ମିଟର ପର୍ଯ୍ୟନ୍ତ ସୁନାମି ତରଙ୍ଗ ଆସିପାରେ ବୋଲି ସମ୍ଭାବନା ବ୍ୟକ୍ତ ହୋଇଛି। କର୍ତ୍ତୃପକ୍ଷ ଉପକୂଳ ଅଞ୍ଚଳର ନିବାସୀମାନଙ୍କୁ ତୁରନ୍ତ ଉଚ୍ଚ ଭୂମିକୁ ସ୍ଥାନାନ୍ତର କରିବାକୁ ଆହ୍ୱାନ କରିଛନ୍ତି।
ଭୂମିକମ୍ପର କେନ୍ଦ୍ରସ୍ଥଳ ସମୁଦ୍ରକୂଳ ନିକଟ ଥିଲା। ସ୍ଥାନୀୟ ସମୟ ଅନୁସାରେ ରାତି ୧୧.୧୫ (ଭାରତୀୟ ସମୟ ୭.୪୫ ସଂଧ୍ୟା) ରେ ଏହି କମ୍ପ ଅନୁଭୂତ ହୋଇଥିଲା। ଜୋରଦାର ଝଟକା ହୋଇଥିବାରୁ ଲୋକମାନେ ଘରୁ ବାହାରକୁ ତୁମୁଳ ଭାବେ ଦୌଡ଼ିଥିବା ରିପୋର୍ଟ ମିଳିଛି।
JMA ସଚେତନ କରିଛି ଯେ ସମୁଦ୍ର ଅଶାନ୍ତ ଅଛି ଏବଂ ଯେକେହିବେଳେ ସୁନାମି ଆସିପାରେ। ଉତ୍ତର ଓ ପୂର୍ବ ଜାପାନର ଅନେକ ଅଞ୍ଚଳରେ ଭୂମିକମ୍ପର ତୀବ୍ର ପ୍ରଭାବ ଅନୁଭୂତ ହୋଇଛି। ଲୋକମାନଙ୍କୁ ବେଳାଭୂମିରୁ ଦୂରେଇ ରହିବା ଏବଂ ସୁରକ୍ଷିତ ସ୍ଥାନରେ ଆଶ୍ରୟ ନେବାକୁ ପରମର୍ଶ ଦିଆଯାଇଛି।