ଟୋକିଓ: ଡାକ୍ତରୀ ପଢ଼ା ପାଇଁ ଜାପାନ ଦ୍ରୁତଗତିରେ ଏକ ନୂଆ ହଟସ୍ପଟ୍ ହେବାକୁ ଯାଉଛି। ଆମେରିକା, ୟୁକେ, ରୁଷିଆ ଏବଂ ୟୁକ୍ରେନ ଭଳି ଦେଶକୁ ପଛରେ ପକାଇ, ଜାପାନ ଏବେ ଛାତ୍ରଛାତ୍ରୀଙ୍କ ପାଇଁ ଏକ ପ୍ରାଥମିକ ଗନ୍ତବ୍ୟସ୍ଥଳ ଭାବରେ ଉଭୁକ୍ତ ହେଉଛି।
ଶିକ୍ଷାର ଗୁଣବତ୍ତା ଏବଂ କ୍ଲିନିକାଲ୍ ତାଲିମ:
ଜାପାନରେ ଏମବିବିଏସ୍ ପାଠ୍ୟକ୍ରମ ଛଅ ବର୍ଷର, ଯେଉଁଥିରେ ପୁସ୍ତକ ଜ୍ଞାନ ସହିତ କ୍ଲିନିକାଲ୍ ତାଲିମ, ଗବେଷଣା ଏବଂ ପ୍ରାୟୋଗିକ ଅଭିଜ୍ଞତାକୁ ବିଶେଷ ଗୁରୁତ୍ୱ ଦିଆଯାଇଥାଏ। ଏହି କାରଣରୁ ଏଠାରୁ ଡିଗ୍ରୀ ହାସଲ କରୁଥିବା ଡାକ୍ତରମାନଙ୍କର ଆନ୍ତର୍ଜାତୀୟ ସ୍ତରରେ ବିଶେଷ ଚାହିଦା ଅଛି।
ବିଶ୍ୱବିଦ୍ୟାଳୟ ଏବଂ ସୁବିଧା:
ବର୍ତ୍ତମାନ ଜାପାନରେ ପ୍ରାୟ ୮୦ଟି ବିଶ୍ୱବିଦ୍ୟାଳୟ ଏବଂ ୮୨ଟି ଚିକିତ୍ସା ପ୍ରତିଷ୍ଠାନ ଡାକ୍ତରୀ ଶିକ୍ଷା ପ୍ରଦାନ କରୁଛି।
ଖର୍ଚ୍ଚ ଓ ସୁବିଧା:
ଏଠାରେ ଏମବିବିଏସ୍ ପଢ଼ିବା ପାଇଁ ଖର୍ଚ୍ଚ ପ୍ରାୟ ୩୫ ଲକ୍ଷ ୟେନ୍ରୁ ୪୮ ଲକ୍ଷ ୟେନ୍ (ଭାରତୀୟ ମୁଦ୍ରାରେ ପ୍ରାୟ ୨୦–୨୮ ଲକ୍ଷ ଟଙ୍କା ପ୍ରତିବର୍ଷ) ହେବ। ଏହି ଖର୍ଚ୍ଚ ଆମେରିକା ଓ ବ୍ରିଟେନ୍ରୁ କମ୍ ଥିବା ସହିତ, ଜୀବନଯାପନ ଏବଂ ଖାଦ୍ୟ ଖର୍ଚ୍ଚ ମଧ୍ୟ ଅପେକ୍ଷାକୃତ ସୁଲଭ।