ନୂଆଦିଲ୍ଲୀ: ୱୋରାକେଲର ପ୍ରତିଷ୍ଠାତା ଓ ବିଶ୍ୱର ଦ୍ୱିତୀୟ ସବୁଠାରୁ ଧନୀ ବ୍ୟକ୍ତି ଲ୍ୟାରି ଏଲିସନ୍ ତାଙ୍କ ସମ୍ପତ୍ତିର ୯୫% ଦାନ କରିବାକୁ ପ୍ରତିଜ୍ଞା କରିଛନ୍ତି। ବ୍ଲୁମବର୍ଗ ବିଲିୟୋନେୟର୍ସ ଇଣ୍ଡେକ୍ସ ଅନୁଯାୟୀ, ସେପ୍ଟେମ୍ବର ୨୦୨୫ ପର୍ଯ୍ୟନ୍ତ ତାଙ୍କ ସମ୍ପତ୍ତି ପ୍ରାୟ ୩୭୩ ବିଲିୟନ୍ ଡଲାର (୩୧ ଲକ୍ଷ କୋଟି ଟଙ୍କା) ଥିଲା।
ଏଲିସନଙ୍କର ସମ୍ପତ୍ତିର ମୂଳ ଆଧାର ୪୧% ଓରାକେଲ ଅଂଶୀଦାରି। ସେ ୨୦୧୦ରୁ ଏହି ୯୫% ସମ୍ପତ୍ତି ଦାନ କରିବାକୁ ଶପଥ କରିଥିଲେ। ସେପଟେ, ଟେସଲାରେ ମଧ୍ୟ ତାଙ୍କର ଗୁରୁତ୍ୱପୂର୍ଣ୍ଣ ନିବେଶ ଅଛି।
କେଉଁଠି ଯିବ ଏହି ଦାନ?
ଏଲିସନ ଅକ୍ସଫୋର୍ଡ ବିଶ୍ୱବିଦ୍ୟାଳୟ ସହିତ ଏଲିସନ୍ ଇନଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜି ମାଧ୍ୟମରେ ବିଶାଳ ଦାନ କରୁଛନ୍ତି, ଯେଉଁଥିରେ ସ୍ବାସ୍ଥ୍ୟ, ଖାଦ୍ୟ ସୁରକ୍ଷା, ଜଳବାୟୁ ପରିବର୍ତ୍ତନ ଏବଂ AI ଗବେଷଣାକୁ ସହାୟତା କରାଯିବ। ୨୦୨୭ରେ ଖୋଲିବାକୁ ଥିବା ଏହି ଇନଷ୍ଟିଚ୍ୟୁଟ୍ର କ୍ୟାମ୍ପସ୍ର ମୂଲ୍ୟ ୧.୩ ବିଲିୟନ୍ ଡଲାର।
ପୂର୍ବରୁ ସେ:
- ୨୦୦ ମିଲିୟନ୍ ଡଲାର – କ୍ୟାନସର ଗବେଷଣା ପାଇଁ, ସାଉଥର୍ନ୍ କାଲିଫର୍ନିଆ ବିଶ୍ୱବିଦ୍ୟାଳୟକୁ
- ୧ ବିଲିୟନ୍ ଡଲାର – ଏଲିସନ୍ ମେଡିକାଲ ଫାଉଣ୍ଡେଶନ୍କୁ
ଦାନ କରିଥିଲେ।
ଲ୍ୟାରି ଏଲିସନ୍ କିଏ?
ଇଲିନୋଇସ୍ ବିଶ୍ୱବିଦ୍ୟାଳୟରୁ ଅଧ୍ୟୟନ କରିବା ପରେ ସେ ୧୯୭୭ରେ Oracle (ତା’ବେଳେ Software Development Laboratories) ପ୍ରତିଷ୍ଠା କରିଥିଲେ। ସେ ୨୦୧୪ ପର୍ଯ୍ୟନ୍ତ CEO ଭାବେ କାମ କରିଥିଲେ, ପରେ CTO ଏବଂ Executive Chairman ଭାବେ ଦାୟିତ୍ୱ ନେଲେ।
ଏହାସହିତ ସେ ହାଓୱାଇର ଲାନାଇ ଦ୍ୱୀପର ପ୍ରାୟ ୯୮% କିଣିଥିବା ସହିତ ଅନେକ ବ୍ୟବସାୟ ନିବେଶରେ ସକ୍ରିୟ।